قصة حب لم يكتب لها النجاح......
و لاسباب اصبحت شائعة في عصرنا هذا .......
سامحيني ... بعدت عنك
و انا قلبي يهواكي
سامحيني ... هربت منك
و انا بتمنى لؤاكي
سامحيني مقدرتش اصمد
ادام ظلم السنين
حبيتك ... ايوة ... لكن
مين حس بحبي ... مين
حبي اترفض م البداية
ادام عريس الهدايا
و حلفت بحب عمري
لاكمل للنهاية
سامحيني
كان بينا اجمل قصة حب
عشناها سوا
كنتي ليا نبض القلب
و كنت ليكي الدوا
و وهبتك حب عمري
اللي جاي و اللي راح
و عشت معاكي قدري
بالاهة و بالافراح
لكن الزمان مرضيش
يكمل فرحتي
خد مني الامان
و سود سكتي
حسيت بالظلم لما
قالولي ابعد بعيد
دا عريسك جة و دفع
و اشترى التوب الجديد
و ماكنتش انفعلك
و انا في اول طريقي
اللي كان ينفعلك
تنسي الحب الحقيقي
سامحيني مقدرتش اصمد
ادام ظلم السنين
حبيتك ... ايوة ... لكن
مين حس بحبي ... مين
سامحيني
خدوكي من بين ايديا
يا اول حب حقيقي
و سنين مرت عليا
كان فيها الحزن صديقي
و افترقنا يا حبيبي
بعد ما كان اللي كان
و ماكانشي بايدينا
انا و انت غير النسيان
سامحيني يا حب فات
و طويت ايامه بجرحي
اللي بينا بقى ذكريات
هنساها و هنسى فرحي
سامحيني مقدرتش اصمد
ادام ظلم السنين
حبيتك ... ايوة ... لكن
مين حس بحبي ... مين
حبي اترفض م البداية
ادام عريس الهدايا
و حلفت بحب عمري
لاكمل للنهاية ...............
سامحيني
عماد جلال
