واحد و اخوه بيتخانقوه اللى يقعد على النت جامده اوى

"واحد قاعد على الكمبيوتر وواضح من تجعد مقعده وتليين مفاصله من حين لاخر انه قاعد بقاله عشر ساعات مثلا"

- يا محمود مين "عمرى ما خنتك" ده؟

- دى لسه عارفها من الياهو كبر دماغك

- .............................

- يا محمود مين "انطق يا لوح"؟

- اتكلمت؟

- لا دخلت اون لاين بس

- سيبك منها دى بتتقل يا عم

- انا هقفلك المسنجر بتاعك مش طالبه وجع دماغ

- اوعى............. ده انا مستنى حد مهم اوى

- مش اللى غاويه صور كلاب دى؟

- يا عم انت مالك

- مانت عاملى قلق مش عارف اتكلم

- مليش دعوه سيبه شغال يا اما تقوم

- لا هقفله

- يا ماما خليه يسيبلى المسنجر بتاعى

- سيبله يبنى الاستنجر ده ربنا يهديك

- (بصوت واطى) هتسيبه ولا اقولها على الكام بتاعة البت بتاعة تايلاند؟

- لا خلاص الله يحرقك

- ايوه كده خلينا حبايب

- طب هشيل البرنامج بتاع القاموس ده متقل الجهاز

- يبنى جت على ده؟

- اه رخم عاملى قلق

- طب شيله مستريح كده؟ يا رب تهمد باه

- اشطه ريتا جت ما تخلع انت باه من الاوضه؟

- اروح فين يعنى؟ اقعد فى المطبخ؟

- يا عم اقعد مع بابا فى الصاله

- لا يا عم بيتفرج على النشره دلوقتى

- يبنى يلا باه عاوز اشوف البت

- طب ما تشوفها حد حايشك

- اصلها بتتكسف

- وهى شايفانى؟ ايه العبط ده

- لا يا عم بتحلفنى ان محدش شايفها

- مش خارج هه

- ايه يا واد انت وهو؟ عاملين قلق ليه؟ والله انده لابوكوا طب وادى الفيشه

- لالالالالالالالالالالالال الالالا

- قوم باه انت وهو ذاكر ده انت بقيت فى اولى اعدادى وانت كمان يا بتاع الابتدائيه انت راخر

هههههههههههههههههه
والله انت باين عليكى عسوله
ميرسى يا حبيتى على التوبيك العسل ده

ههههههههههههههههههههههههه ههه لا موضوع جامد بس انا مرعوب من العيال دى أمال العيال دى لما تدخل الجامعه هتعمل فينا أيه :((

=))=))=))=))=))=))=))
جامد يا رنا
بس اشمعنى محمود;;)
هههههههههههههه
تسلم ايدك يا رنا
نايس توبيك

هههههههههههههههههههه
حلوة قوووى رنا=))=))=))

ايه العيال الصيعه دي

عيال جامدة اوى
ايه الصياعة دى يا رنا
تسلمى على التوبيك
>:D<

=)):))=)):)):))=))=)):)):)):))=))=))=))

:)):)):)):)):)):))
تسلمى يا رنا

ههههههههههههههههه
لاجامده طحن
ابتدائية واعدادى
=))=))=))=))