خالد يا مشعل
ويا كتائب القسام
بعتوا القضيه والوطن
اخدتوا كام
ويا كل اسم للفصايل
يوم الزحام هنشوف هوايل
نسيب العدو
ونفجروا أولاد وطننا
ونفتخر بالدم سايل
طاب ليه كده
بيحصل ف مصر
عايزينه تبعد
عن نسايبنا واخواتنا
عايزين نحارب بعضنا
عشان يصقف العدو
ويقول لكم ممتاز وهايل
بالله عليكم فين عقلكم
فين العروبه اللى داخل دمكم
يا اغبيا دى مصر دية امكم
بعد اللى كان من تضحيات
تستنا حرب منكم
وتنصبوا ليها الحبايل
هيه اللى فاضله
80 سنه ليكم مناضله
ورغم اللى يحصل منكم
راح تبقى عادله
ولاعمر افعال الشيطان
هتخل اوزان المعادله
راح تعملوا فيها الخراب
هتقوم تمد
ليكوا العمار
من غير خِيار أو مفاضله
مصر اللى فاضله
ومسيرها تخلص المسايل
اللى باقى دم العروبه والوطن
اسلامنا باقى
وربنا هوه اللى حافظه
والكل زايل
اضربوا بنحبكم
فجروا بنحبكم
مش بالمهانه
اصل الكبيره عمرها
دايما بتعمل
ولازيها هيكون عمايل
اللى تضحى بدمها
واللى تضم ف حضنها
لو حتى كان عاصى ابنها
ام بصحيح
ولاعمر محتاجه لدلايل
خالد يا مشعل
وياكتايب اهل الحماس
ارجعوا ليها وبوسوا ايدها
وادعوا دايما ربها
بالخير يزيدها
ولامرة عزِّت عنكم
دم ف وريدها
قوموا احضنوا ذرات ترابها
غنوا ف نشيدها
يوم مايرجع ولادها ليها
يبقى عيدها
ساعدت كتير
جا دوركوا
يا ولادها نساندها
وهتبقى امن
علشان ولادكم
والقضيه
وربنا هوه اللى قايل
بالله عليكم من غير
مصركم راح يبقى شايل
=============
مستر/عطيه الخضرى
