بوش والجزمة
خلاص مالكش لازمة يا بوش يا إبن الجزمة
تستاهل ألف جزمة على اللى إنت عملته فينا
والله وجه اليوم يا واطى ووشك إتفضح لينا
وشفوك الناس مطاطى من جزمتين شبح
الجزمة كانت مفاجئة تمام زى الزيارة
والدنيا بحالها فرحت والناس فضلت سهارى
يا قلوب كتير حزينة قومى ياللا إتبسمى
شوفى بوش وهوه خايف والجزمة سلاح الكرامة
بصراحة ما أقدرش أغشك وأقول زعلت عليك
ياريتها جت فى وشك وخذقت عينيك
صدام اللى إنت ذبحته فى أول يوم العيد
أهو ربك خد بتاره وفى نفس المواعيد
تحية عشان منتظر وتحية لجزمة العيد
فرحنا فى بوش أخيرا على آخرخدمته
وياعينى مش ح تلحق تأخذ يابوش بتارك
فيه ناس كتير بسببك فى الدنيا مبهدلة
بتقول ياريتها كانت صاروخ أو قنبلة
العالم كله شافك وبالسعادة حس
والجزمة زى الكورة وداخلة فى المقص
مليون شهيد وأكثر فى الجنة فرحانين
ربك كبير وقادر يهد المتفرعنين
بصراحة مش خسارة فيك جزمة مكلفة
