لسة بتسأليني إن كنت بحبك ولا لأ
وبصراحة كنت عايز أغلّس وأقول لأ
وده سؤال
بعد اللي عدينا فيه مع بعضنا
ولا حد كان زيّنا قبلنا أو بعدنا
علي طول مع بعض ولا يكمّل ثواني بعدنا
كأنك بتسأل القمر إن كان لسّة بيدور
أوإذا كانت الشمس لسّة بتبعت نور
في أي شئ أعذرك المرة دي مقدرش أقول معذور
ولسة بتسأل
فاكر وقفتنا المجنونةتحت الشتا وسط البرد
ولعب عيال وركوب جمال وقطف الورد
ونظرة عيوني
وكلامي في سكوني
طب فاكر أول هدية
ومشاعر كانت مستخبية
والله أنت غالي عليا
وأوع تكون فاكر
خصام لكام لحظة
وكام تكشيرة وحشة
وبيكون ليكي وحشة
أول ما أغمض عيوني
وفاكر حبيبي
ودبلة عليها أسمي في أيدك بعد صبر سنين
وباحلم أشوفك لابس أبيض وعينييك فرحانين
وأشوف بعيني الفرحة
جاية مكسوفة ولابسة طرحة
وعشان بس يبقي مؤكد
أعملها ومش بهدد
وأصرخ بصوت عالي
وأقول بحبك
