لا مؤاخذة يا جمال باشا (( قصيدة ضرب نار ))
القصيدة دى كانت علىالمدونات من فترة واتشالت تمنعت بردة لانها انتشرت بين الشباب
وربنا يستر ونروح فى داهية >>>>
لا مؤاخذة يا جمال باشا
إياك يوم تبرطم بحبة كلام .. و لو يوم هتنطق هاطلع عينيك
يا تسكت يا هاربط فى بقك لجام .. و اسلط كلابي و جوعهم عليك
و لا شوفت حــاجة و لا يحزنون .. و عيش زى غيرك و ربي العيال
و لو فاق ضميرك فى لحظة جنون .. هتاكل و تشرب علي ايدين جمــال
هتاكــل زلـــط و تشـــرب تـــراب .. تدوق المرارة و عيشة الصومــــال
و تزعق بصوتك كأنك غــــــراب .. و لو كنت فتحي هتصبح آمـــــــــــال
و يا لا الأســف هنلبس طرح .. و يتقـــال علينـــا بقينا ولايــــا
و أيمن هيخرج و نعمــل فـــرح .. لأهل المعــارضة و نعــزم كفــــاية
و نقلع طـُرحنا و نصرخ فى روحنا .. و نحيي فى قلوبنا الصوت اللى مات
و بعد اللى عدى نداوى جروحنا .. و نرجع و نقتل بإيدنا السـُـكات
هنعرف نقـاومك بكل الوسايـــل .. هنزرع رجولة فى كـل البنـــــات
و لا حد همك و صايـل و جايـــل .. و عامل عمايل تطلع آهـــــــــات
لا عمرك هتمسك و لا حتى ثانية .. كفاية اللى ماسك و عامل حويط
و شاكله ناويلنا علي فترة تانية .. يسلمــها لابنه جمال العبيط
لا مؤاخذة بقي يا باشا
