هل ترضى ان يصارحك احد بعيوبك؟

الـســـــــلام.عليكم.ورحمة .اللـه.وبركاته


إن لكل إنسان مهما كان أخطاء و عيوب ( اكـيد الكمال لله عزوجل ) , فهو محكوم في هذا بقدر من الله عز وجل أن خلق بشرًا .

كل ابن آدم خطاء

وطبعاً أنا لا أقصد بالعيوب هنا العيوب الخِلقَية , ولكن أقصد

العيوب في التصرفات او الطبع و العقليه .


على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه

وإذا كانت هذه الصفات فيك ( مثلاً ) هل سترضى إذا واجهك بها .

بصراحة هل ستعتبرها هدية

أم ستعتبرها إهانة وتدخل فيما لايعنيني أم وقاحة

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية كما جاء في الخبر:
( رحم الله امرأ اهدى إلي عيوبي ) .

هل تعرف عيوبك بشكل واضح وأيهما أكثر وضوحا بالنسبة لك . عيوبك أو صفاتك الحسنة

بصراحة :
هل أنت مع هذه المقولة .. هل ترضى أن يصارحك احد بعيوبك ؟

والله بجد موضوع جامد

وبالنسبه للمبدأ نفسه هو جميل اني الاقي ناس

تقول على العيوب الموجوده في الشخص

الاخر

لانه يدل على ان موجود ويكون ليا تأثير على

البيئة الموجودة

نعم انا ارضى ان يقول لى على عيوبى
لانه كده بيحبنى ومش عاوز الناس
تشوف فيا عيوب وحشه

وبالعكس انا كده احبه اكتر لانوا بكده يكون صديق بجد ومخلص

وشكرا ليكى يا همسه على الموضوع الجميل ده =D>=D>

ميرسي يا همسه علي الموضوع الجميل ده

انا بيتهيالي علي حسب اللي حيجي يقول
يعني لو واحده صحبتي مثلا جت تقولي انا مش حقولك حاجه عشان انتي فتانه مثلا يعني
لحد ماتبقي كويسه وتصلحي عيبك ابقي اقولك
اكيد يعني مش حاخدها بالحضن وافرح بيها انا وقتها ممكن ازعل لانها قالت بطريقه مش حلوه

انما بقي لو جت وقالتلي مثلا انتي كويسه جدا وحاجات كده يعني بس لو تغيري شويه حكايه الفتنيه دي
حتبقي احسن اكيد وقتها حتقبل منها بروح حلوه

ولا انتي ايه رايك يا هموسه

الموضوع ده مهم جدا جدا جدا ..

أنا رأيى أن المشكلة مش فى أن أى حد يصارحك بعيوبك ،
لكن المشكلة الحقيقية فى الطريقة اللى بيقولك بيها ..

ف مينفعش مثلا أنه يقولك على عيوبك فى وسط الناس ،
فإذا قال لك على عيوبك بطريقة نصيحة بينك وبينه -فى السر يعنى-
، فهذا يكون نعم الصديق ..

شكرا للموضوع الرااااااائع .. :)

يسلمو على ردودكم وارئكم بصراحة انا كمان اتمنى انو حدا يقولي عن عيوبي لاني ححس ان الانسان ده عايزني اكون الافضل دايما وعايز يشوفني باحسن صورة. الا انو الاعتراف ده يكون بيني وبينه وانا بالمتل كمان
وشكرا ليكم

موضوع ممتاااااااااااز

اولا بالفعل حسب الطريقة والشخص كمان

يعني
لو شخص متأكدة انه عاوز مصلحتي وفعلا حريص عليها وبيحبني
اكيد اكيد بتقل منه يصارحني بكل عيوبي مهما كانت صعبة ووحشة

وكمان طريقته تكون لينة ولطيفه

لكن لو شخص متاكدة انه يريد فقط النقد لا لشيء الا للاحباط وسبق ان تعرضت لاذى منه
فلا اقبل منه شيئاً
لعدم مصداقيته
تسلمىىىىىىىىى

مثل مقالت سما على حسب الشخص الي حيقولي
فيه بعض الناس بتحب تخلق أي عيب حتى لو مش موجود
فيك وتحاول تنسبه ليك
لكن لو طبعا انا نفسي حاسس بعيبي حاقبل الصراحة
ولو بحب انسان وبقدره وبحترمه حقوله عيبه
حتى لو كان يزعله برده حقوله
تسلمىىىىىىى هموسة

شوفي الواحد ممكن ميحبش حد يضهرو عيوبو اي ان يقولو علي العيوب الي فيه بس انا من ناحيتي بضايق لما حد يقولي علي عيوبي بيحسسني اني صغير قدامو وبيهيني ممكن اكون عارف العيوب دي بس محبش حد يقولهالي لأني انا من النوع الي باخد الامور بحساسيه وممكن يكون صاحبي اوي بس محبش برضو بعتبرها زي اهانه مع انها صح علشان تصلح من وضعك بس انا بخدها اهانه بس الحمد لله الكل بيشكر:D:D فيا وربنا ما يجيب عيوب في حد يسلمووو همسه موضوعك جميل تقبلي مروري المتواضع دا علي صفحاتك العطره

انا بردو متل كلام طيف وشمس حسب يل بصارحنى
انا بئبل من شمس كلشى وهى عارفه انى بسمع وبحب النصيحه