اول شي انقشر الربيان ونشيل الخيط الأسود وانقعه بعصير الليمون وبهارات .
بعدين نكون طابخين ماي ونحط فيه بهارات عدله
(هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).
ونحط الربيان ونخليه لما يستوي .
بعدها نسوي حمستنا وهي عبارة عن :
نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)
وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .
وبعد ما استوى الربيان نضيفه للحمسة .
http://www.muntadana.net/vb/uploaded/60_1214836921.jpg
ونضيف بعدها كزبرة مفرومة.
http://www.muntadana.net/vb/uploaded/60_1214837018.jpg
طبعا نكون مسوين عيش مشخول وهم حاطين بالماي بهارات عدلة
الحين نحط دهن اشويه بالجدر ونخليه يصير حااااااااار وبعدين نحط طبقة عيش
وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>>
http://www.muntadana.net/vb/uploaded/60_1214837128.jpg
نرد نحط طبقة من العيش وفوقه حمسة الربيان والزبدة والبصل والبقدونس والنعناع.
طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر
http://www.muntadana.net/vb/uploaded/60_1214837242.jpg
بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد الصنوبر المحمص
http://www.muntadana.net/vb/uploaded/60_1214837401.jpg