يوم ما حسيت بحبها
قربت منها خوفت اقولها بلسانى
لكن بقلبى قولتها
قولتها بخوفى عليها
بلمسه ايدى وانا بسلم عليها
بعينى لما بتيجى فى عنيها
قولتها من غير كلام
قولتها يا قلبى بشوق وحنان
سمعتها يمكن لكن كان نفسى تحسها
ليه يا قلبى مش باين حبك عليها
ليه مش شايفه فى عنيها
سهران حيران تناديها
تحلم وترسم حلمك بيها
احساسك كله ليها
وخايف تقول بحب
طيب خايف ليه
هو الحب ذنب علشان ندريه
ولا اللى بيحب بجد
بيخاف حتى يقول بحب
جرحك يا قلبى فى سكوتك
ليه يا قلبى حابس صوتك
قول بحب يمكن فيها دوا لجروحك
