ياأم الشهيد ماتزعليش إبنك ده عاش ومات بطل
ضحي علشان بلدنا تعيش لازم يكون عندك امل
خليكى واثــقــــة فـى ربنا ده ربنا هــــو الــــكبير
وبــــإذنـــه راجــع حقنا قـــادر يصحى فينا الضمير
خلفتى راجــــل مــاتخافيش وربتيه عـلـى الصمود
لو كنتى حاسه انه راح كــل ولادك على الحـــدود
اياكى تبكى وتيأسى ولا تبقى يوم قلبك حــزيــن
ابنك ولاعمره هيتنسى ده ف قلب كـــل المصريين
هتقولى بعده بقيت وحيدة وحاسة إني ماليش سند
في أحلى من شرف الشهادة.؟ إبنك فدى تراب البلد
مين اللى قــالــك إنــه مــــات ده راح لجنة الــخــلــود
ده انتى اللى حقك تفرحى وتفخرى انه صبح شهيد
ومــلايـكـة زفــوه للسما وحــوريــة واقفة مستنياه
وتبقى راضية مسلمة ده ربنا للخير ناداه
ابنك مماتش ده لسه حى ومصر هنفضل فاكراه
حق الشهيد ده جى جى وبلدنا هتعيش أحلى حياة
