هتقضي رأس السنة فين؟؟
ده كان أول سؤال قاله محمود لصاحبه خالد
أول ما اتصل به
محمود: هتقضي رأس السنة فين؟؟ بسرعه علشان نظبط
خالد: رقص السنة؟؟
وهيبقى فين الرقص ده؟؟
وهترقص فين السنة؟؟
محمود: يااااه يا خالد على طول محسسني إنك مش فاهم كده
خالد: لا فاهم يا حوده بس أصلي مش عارف إنت فاجأتني
محمود: طيب إيه جاي ولا الدور الجاي؟؟
خالد: طيب مين رايح فين؟؟
محمود: بص يا سيدي.. حسام رايح حفلة عمرو
بيقولوا هتبقى جامده جدا وعاملينها في التجمع معاك بقى لحد الفجر
وسمير رايح حفلة تامر.. انت عارف سمير بيموت في تامر
وسارة صاحبته رايحة معاه ووليد مقضيها بقى في كازينو انت عارف دماغه
وانت وميزو خارجين بقى مع جوزيف وجون حنحتفل معاهم بالليلة..
وانت عارف طبعا كريستين وماريان وجانيت و مروة ونانسي..
وهتبقى خروجه وهميه
هاه رايح مع مين ولا هتروح فين..
مفيش وقت فاضل يوم.. إلحق نفسك لأحسن البلد كلها هتبقى زحمه وكله بيحتفل..
لأحسن متلاقيش مكان تحتفل فيه
خالد: يا نهار أبيض!! كل ده..
أنا بقى رايح حته جامده قوى في الليلة ديه
محمود: اييييييه يا خالووود علمنا يا معلم.. هو ده الكلام.. خارج مع مين؟؟
خالد: أنا إن شاء الله في ليلة رأس السنة مهاجر إلى الرسول عليه الصلاة والسلام
محمود: نعم!!! هتعمل ايه يا خويا
خالد: ههاجر للرسول عليه الصلاة والسلام
محمود: ياعم أنت بتكلم أبو لهب؟؟ انت لسه عايش في زمن قبل الهجرة؟!!
انت فاكرنا في قريش.. يا عم وانا قلتلك خارج مع الأوس والخزرج
خالد: يا محمود مبهرجش بجد
محمود: ايوة يعنى هتعمل ايه يعنى؟؟
حتسيب الكفار وتهاجر؟؟
خالد: بالظبــــــــــــــــــــ ـــــط
محمود: ايه يا ابنى اللي بالظبط.. انا مش فاهم حاجه.. انت لسعت ولا ايه؟؟
خالد: طيب ياعم قلي الأول.. انا عايزك تقول الحق يا محمود
ايه الأحسن أخرج اتنطط مع عمرو ولا احلم مع تامر ولا اخرج مع مونيكا ولا اهاجر
للرسول عليه الصلاة والسلام
محمود: طبعا تهاجر للرسول عليه الصلاة والسلام.. ديه عايزه كلام يعنى.. بس ازاى
اصلا انت فقدت الزمن يا ابنى؟؟
احنا في 1429 بعد الهجره
اتأخرت بتاع 1429 تقريبا.. لسه فاكر دلوقتى؟؟
خالد: اقعد اتريق كده وانت مش فاهم حاجه.. بس انت متفق معايا ان الهجرة للرسول افضل طبعا
محمود: طبعا.. طبعا طبعا.. طبعا خالص
خالد: اقولك انا ازاى بقى وفي الليلة دي بالذات
محمود: هااااااه قووووول
خالد: الرسول عليه الصلاة والسلام قال: (عبادة في الهرج كهجرة إلي)رواه مسلم صدق رسول الله
محمود: عليه الصلاة والسلام.. بس ايه الهرج ده.. هو الهرج يعنى رأس السنة؟؟
خالد: لا الهرج معناه: وقت انشغال الناس باللهو
محمود: ممممم فهمت.. يعنى قصدك ان الواحد لو عمل عبادة في وقت الناس كلها
عماله مشغوله فيه عن ربنا وبتعصي ربنا ده كأنه هاجر إلى الرسول.. صح كده؟؟
خالد: بالظبط يا حوده.. هو كده يعنى الناس كلها في الشارع عماله اللي يغني واللي
يعاكس واللي خارج مع صاحبته واللي فى حفله واللي في كازينو واللي هنا واللي هناك
وانت تسيب ده كله وتذكر الله في الوقت ده.. تصلى شوية.. تقعد تدعي.. تسمع
قرآن.. تقرأ قرآن.. تسمع درس.. تشوف قناة دينية: الحكمة أو الناس أو الرحمة تسبح أو تذكر ربنا كده يعنى.. ده ثوابه كأنك هاجرت للرسول.. لأن معظم الناس في انشغال عن الله
فانت بطاعتك في اليوم ده تبقى حاجه متفرده
محمود: اممممممم تصدق مجاش فى دماغي الكلام ده قبل كده!!
بس يعنى مثلا اسيب الخروج خالص وأقعد بقى أعمل حاجه من دول.. اخد ثواب كأني هاجرت للرسول؟؟
يااااااه كبير قوى الثواب ده.. بس انت متأكد ان الحديث ده صحيح.. وقوله تاني كده
خالد: اه الحديث في صحيح مسلم يعنى صحيح
والحديث بيقول: عبادة في الهرج كهجرة إلي
فأنا بقى يا محمود هعمل كده ان شاء الله.. بالليل بقى بدل ما أخرج مع الناس.. هقعد اقرأ
قرآن أو أشوف درس أحضره.. أو أصلي بالليل قيام ليل أو أقعد ادعي واذكر ربنا..
كده يعنى
ما أنت عارف يا محمود الليلة دي بيصعد إلى الله فيها كمية ذنووووب لا حصر لها
خلينا احنا في الليلة دي يصعد منا حسنات إلى الله
محمود: تصدق عندك حق يا خالد.. أنا إن شاء الله بكرة هعمل زيك خلينا بقى نعمل
حاجه عدلة.. بس هبقى اتصل بجوزيف وماركو بقى والشلة أقولهم كل سنة وإنتوا
طيبين.. ده عيد برضه.. وبالمناسبة كل سنة وانت طيب يا خالود
خالد: ممممم.. أهوه أنا بقى مش حعمل كده.. ومش هقول لأي حد كل سنة وانت طيب
محمود: ايه ياعم بقى.. قلت هتهاجر وقلت جاي معاك وماشي.. لكن ما أقولش
لإخواننا المسيحين وللمسلمين كل سنة وانتوا طيبين ليه يا عم.. عيب ولا حرام؟؟
خالد: بص يا سيدي.. أولا مينفعش نقول على النصارى انهم إخواننا
محمود: ليه بقى؟؟؟
خالد: علشان المؤمنون هما اللى اخوه والآية بتقول: {إِنَّمَا الْمُؤْمِنُونَ إِخْوَةٌ} وإنما دي للحصر.. يعنى المؤمنون بس إخوه، وطبعا النصارى مش مؤمنين.. دول كفروا بالله وبسيدنا محمد عليه الصلاة والسلام
وبعدين طول مهما مش مسلمين يبقوا مش اخواننا
مش ربنا قال عن المشركين: "فَإِنْ تَابُوا وَأَقَامُوا الصَّلَاةَ وَآتَوْا الزَّكَاةَ فَإِخْوَانُكُمْ فِي الدِّينِ" يعنى لو النصارى اللي هما المسيحيين زي مبتقال عليهم عندنا تابوا وآمنوا واقاموا
الصلاة وآتوا الزكاة يبقوا اخواننا.. لكن غير كده لا وبعدين نقولهم كل سنة وانتوا طيبين على ايه.. انت عارف ده بالنسبة ليهم ايه؟؟
محمود: اه سنة جديدة عيد ميلاد المسيح
خالد :- طيب خلينا نقول الأول .. مش الرسول محمد عليه الصلاة والسلام جاء بعد سيدنا
المسيح عيسى عليه السلام ؟؟
محمود :- اه طبعا
خالد: طيب هل النبي عليه الصلاة والسلام احتفل بعيد ميلاد سيدنا عيسى؟؟
محمود: لا محصلش
خالد: طيب هل النبي عليه الصلاة والسلام احتفل بعيد ميلاده هو حتى؟؟
محمود: لا محصلش!! ممم
خالد: طيب لما الرسول معملش كده واحنا المفروض نتبع الرسول ليه نحتفل بيه؟؟؟
محمود: ممم يمكن حاجه كده علشان سنة جديده
خالد: لا علشان أصلا اللي بيحتفل بيه النصارى فاحنا علشان بقينا معاهم وخلاص من
غير ما نعرف بنتحفل ليه.. احتفلنا معاهم بعيدهم.. طيب اسألك سؤال؟؟
محمود: اسال
خالد: انت بتحتفل بالسنة الصينية؟؟ او بالسنة القبطية؟؟
محمود: لا طبعا.. ايه ده صحيح اشمعنى يعنى السنة الميلادية اللى بنحتفل بيها
ودول لا!!! غريبة
خالد: لا مش غريبة.. اصل الفكرة ان علشان النصارى في كل حته بيحتفلوا به
علشان عيدهم.. احنا كمان احتفلنا معاهم.. لكن علشان الصينيين بعيد عننا ومفيش حد
بيحتفل بالسنة القبطية خلاص
محمود: يعنى قصدك هو عيدهم بس احنا اتأثرنا بيهم فاحتفلنا معاهم
خالد: بالظبط.. المفروض بالنسبة للمسلم ده يوم عادي جدا.. يمكن كمان ده فرصة
زي ما قلت لك انك تطيع ربنا فى يوم الناس كلها بتعصي فيه.. وبعدين انت عمرك شفت
مسيحي جايب خروف وبيذبحه يوم العيد ويحتفل معاك؟؟
محمود: لا مشفتش
خالد: يعنى يبقى هو احسن منك ميحتفلش معاك وانت تحتفل معاه.. هو يحاول
ميظهرش عيدك وانت تنشر عيده؟؟
محمود : ممم
خالد: وبعدين انت عارف احنا عندنا عيدين "الفطر والأضحى" زي ما الرسول علمنا ويوم
الجمعه.. صلي عليه
محمود: عليه الصلاة والسلام
خالد: وبعدين انت فاهم عيد الميلاد ده بيمثل ليهم ايه وبيحتفلوا به ليه؟؟
محمود: ليه؟؟
خالد: علشان ده بيمثل ليهم عيد ميلاد الله.. اليوم اللى اتولد فيه الإله
محمود: اييه ؟ الإله اتولد فيه ؟؟
خالد: اه بيحتفول بيوم ميلاد الله وانه بقه في الأرض
محمود: استغفر الله العظيم.. الله يتولد!!! ايه الكلام ده
خالد: شفت بقه ده احتفال بإيه.. ولسه يوم 7 يناير اللى حيبقى اجازه.. ده بالنسبة
لهم عيد.. وده عندهم عيد ميلاد الإله
محمود: يا نهار أبيض!!! ايه ياعم الكلام ده.. انا مستحيل اشارك في الكلام ده.. أنا!!! أشارك في حاجه تعتبر تكذيب لربنا اللى قال "لم يلد ولم يولد".. وتقول ان ربنا اتولد
وكمان اهنيهم عليه واقولهم كل سنة وانتوا طيبين
خالد: شفت بقى انا ليه مش حقول لحد كل سنة وانت طيب.. علشان مينفعش نشارك
غير المسلم عيده.. لأن ده غلط على عقيدتنا.. ومش صح اننا نهنيهم على ده
محمود: ماشي ياعم خلاص انا معاك ونفض بقى لماركو وجوزيف
خلينا في النظيف
.
http://geo.yahoo.com/serv?s=97359714...51/nc3=5191952
