كلنا غرقى او موتى مش فارقه

وهل هُنــــاك أكْثـر وجعاً!!
منْ أنّ تقـفٌ الكَلـمهٌ بينَ الفَــم و الحــنجَرهٌ
إنّ أظــهرتها فــقدت نَفـسكٌ ..
و إنّ أبْــقَيتهاٌ فَــقْدتّ مَن تُحـــبّ.....""! ٍ
================================
كلنا غرقى
او موتى مش فارقه
كلنا فى الهم
وبنطفحوا فى الدم
ولاحد عبرنا
ولاحد كان مهتم
والعيشه صبحت سم
وكأننا فى الدنيا
مش بس غير للغم
ولاعدش رحمه ف قلب
ولا بلطجى بيتلم
والاخ أصبح عدو
ولاعادش خال ولا عم
حتى النبيه اللى
كان مضرب مثل
فى العقل أصبح خلاص يتخم
دول أهل مين ياعم
و الشمس حلفت خلاص
والله مش شارقه
كلنا غرقى
او موتى مش فارقه
مين غار فى يوم على دين
مين قال ف يوم كلمه
للجهله والظالمين
لكننا ساكتين
ويوم ما نتكلم
بنكسروا الدنيا
بكلام بذىء ومهين
تلقى الجميع يشتم
ع الفيس مع تويتر
ويوم متنصح حد
يشتم كما الجاهلين
يبقى أسمه عبد الله
ويسمى نفسه الياس
عشان يعيب فى الناس
وتبقى أسمها فاطمه
وتقول أنا جاكلين
ونسمع كلام ربنا
(ما يلفظ من قول)
وكأن مش سامعين
أهو أحنا مسلمين
لكن اليهود أرقى
كلنا غرقى
او موتى مش فارقه
يا خلق هووه الدين
مش كلمه أو منظر
ولاجلابيه وبيضا
ولا لحيه بتمنظر
دول شوهوا المنظر
وربنا موجود
رب الكرم والجود
سبحانه قد أنذر
ياللا نعود لله
ونراجع اعمالنا
علشان يبارك لنا
فى ولادنا وف مالنا
أوعى نسيب الغلط
ونقولوا مش مالنا
ولحيه تبقى بجد
والجلبيه كمان
لكن الاهم بجد
هو أعمالنا
ربنا سبحانه
ف كلامه قالها لنا
{وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِينَ}
{يُخَادِعُونَ اللّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ}
{وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ}
{أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ}
يارب نجينا
أصل الجحيم حارقه
كلنا غرقى
او موتى مش فارقه
وأنا بعتذر للكل
لوحد كان زعلان
أحنا جسد واحد
أبنا ء وطن واحد
متماسك الاركان
ودينَّا ماله مثيل
ومفيش ما بينَّا فصيل
مش قال لنا المولى
فى محكم التنزيل
{إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ}
{وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ}
{وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا }
{أن أقيموا الدين ولا تتفرقوا فيه}
نفهم كلام ربنا
ونتحد كلنا
وقلوبنا على بعضنا
يمكن ف يوم نلقى
ييجى للامل بارقه
كلنا غرقى
او موتى مش فارقه
===
عطيه الخضرى عطيه
قلين-كفر الشيخ