حوار يحرق الدم .،.،.
فيه اتنين مشفتش حد في غلاستهم وتأل دمهم
وبيقعدوا دايما يتناقشو مع بعض واللي يقرب منهم يستاهل اللي يجراله .
ـــــــــــــــــــــــــ ـــــــــــــــ
الأول - صخرة وقعت من فوق عمارة ولوح الازاز اللي تحتها متكسرش _ ليه ؟؟؟
التاني - علشان موقعتش عليه .
الأول - طب فرخة بتعدى الشارع وماتت فجأة _ ليه ؟؟؟
التاني - الصخرة وقعت عليها .
الأول - ليه واحد بيحط كباية شاي جنبه وهو نايم ؟؟؟
التاني - علشان الشاي منبه .
الأول - طب وليه بيحط جنب كباية الشاي فنجان قهوة ؟؟؟
التاني - علشان الشاي لو مرنش .
الاول - طب ليه بيحط جنبه كباية مية فاضية وكباية مليانة ؟؟؟
التاني - علشان يمكن يشرب وممكن ميشربش .
الاول - وليه بيحط ملح علي راسه ؟؟؟
التاني - علشان يبقي حدق .
الاول - وليه بيحط سكر علي الكرسي قبل ما يقعد ؟؟؟
التاني - علشان تبقي قعدته حلوة .
الاول - حاجة طايرة في السما وبتقول _نياو ايه هي ؟؟؟
التاني - قطة بيضا مضروبة بالشلوت .
الاول - طب حاجة سودا طايرة ف السما وبتقول _ نياو ايه هي ؟؟؟
التاني - غراب بيستهبل .
الاول - طب حاجة بنى وطايرة ف السما ومبتقلش حاجة _ ايه هي ؟؟؟
التاني - فردة الجزمة بتاعت الراجل اللي ضرب القطة البيضا .
الاول - طب حاجة سودا وطايرة ف السما ومبتقلش حاجة ؟؟؟
التاني - غراب عاقل ومبيحبش الاستهبال .
الاول - حاجة زرقا طايرة ف السما ايه هي ؟؟؟
التاني - ذبابة لابسة بنطلون جينز أزرق .
الاول - طب حاجة سودا وفيها خط أحمر وطايرة ف السما من الشرق للغرب ايه هي ؟؟؟
التاني - نفس الذبابة نسيت تجيب حاجة من البيت فرجعت تجيبها .
الاول - حاجة سودا ماشية ف الصحرا ايه هي ؟؟؟
التاني - سرب نمل رايح يعزى .
الاول - نقطة سودا علي الحيطة ايه هي ؟؟؟
التاني - ذبابة .
الاول - طب نقطتين سودا علي الحيطة تبقي ايه ؟؟؟
التاني - فيشة .
الاول - طب 3 نقط سود علي الحيطة يبقوا ايه ؟؟؟
التاني - ذبابة وفيشة .
الاول - طب 54 نقطة سودا علي الحيطة يبقوا ايه ؟؟؟
التاني - يبقي البياض بيقشر .
الاول - حاجة رفيعة وطويلة ولونها أبيض تبقي ايه ؟؟؟
التاني - فتلة بيضا .
الاول - طب حاجة رفيعة وطويلة ولونها اسود تبقي ايه ؟؟؟
التاني - خيال الفتلة البيضا .
الاول - طيب ازاي نحط أربع فيله في عربية كرسيدة ؟؟
التاني - اتنين ورا واتنين قدام
الاول - طيب ازاي نحط 8 فيله في عربيه مرسيدس ؟؟
التاني - نبيع المرسيدس ونشتري 2 كرسيده
الاول - طيب ازي تعرف ان في 12 فيل في فندق معين ؟؟؟
التاني - اروح على الموقف واشوف لو كان فيه 3 عربيات كرسيده يبقوا هما هناك
الاول - طيب ايه هي قمة الادب ؟
التاني - انك تخبط عالتلاجه قبل ما تفتحها
الاول - طيب ايه هي قمة الغرابه ؟؟
التاني - ان حد يفتحلك
الاول - طيب ايه قمة الحيره ؟؟؟
التاني - ان حد يقولك اقعد في ركن غرفه مستديرة الشكل
الاول - طيب ايه قمة الزكاء ؟؟
التاني - انك تلاقي الركن ده
الاول - طيب ايه قمة الغباء ؟؟
التاني - انك متستفدش حاجه من الملعلومات الي انا قلتها
ـــــــــــــــــــــــــ ـــــــــــــــــ
