أكرف سوسو تحبك حب سوسو تكرفك
حب البنت البنت تكرفك
اكرف البنت البنت تحبك
هههههههههههههههههههه
والله عشت يا تامر ياحسنى
طبعا كلنا عارفين شخصيه سيد العاطفى
الل جسدها تامر حسنى فى هذا الفيلم
لكن موضوعنا غير كدا خالص
حاليا الواحد بيشوف حالات غريبه جدا من الحب بيعيشها الشباب
بيبقى الواد من دول ملخوم على عينه ومتنيل ومش عارف يعمل ايه علشان يكلم واحده هو نفسه يعيش معاها قصه غراميه وطبعا كلنا عارفين انها بتنتهى بالفشل و98% منهم يعنى اللى بتنجح
ربنا يسترها علينا
نصيحيه يابنى عيش حياتك
البنت من دول اول ما تعرف انك بس عايز تقرب منها تعمل قال ايه مكسوفه وانها ملهاش فى الحجات دى
عذرا اخواتى عضوات المنتدى فهذا موضوع كوميدى
هههههههههههههههههههه
اعذرونى
واحد كان يقعد يسبل بعنيه ويتسهتن كدا مالك ياض خليك راجل كدا
ويقعد يعمل فيها روميو الحبيب
اطلع من دول كلنا فاهمين الحكايات دى دى حركات قرعه ومكشوفه
الاول كان الشاب يعينى يطلع عينه علشان يكلم البنت يقعد يسهر الليل ومايكلش وحالته تبقى طين وتصعب على الكافر ويقعد يكتب جواب فى ورقه غراميه ويحطها فى ظرف معطر
وياخد الظرف وساعه ما يشوفها يطلع الظرف هى تفهم يعمل انه ماشى وهى طبعا ماشيه وراه
يوقع الظرف وهى تاخده قال ايه مافيش حد واخد باله
وكان يروح يقعد بالساعات تحت البلكون يحدف بالطوب ويكسر زجاج البلكونه والشبابيك
علشان حبيبه القلب تتطل طله والاخر يعينى تشاورله بمنديل يتنطط هو ويزقطط من الفرح
وربنا يوعده باللى يدلق عليه حله ميه فوق دماغه من فوق
ههههههههههههههههههههههههه ههههههههههههه
ماهو كل دا فى سبيل نظره
لا احنا بقينا دلوقت فى عصر متقدم فيه الموبايل والانترنت ووسائل الاتصالات
حتى الحب بقى فيه تقدم عصرى
تعمل ايه انت بقى علشان تبقى واد حبيب على حق
اولا تجيب علبه جل وتحطها كلها على شعرك
اه علشان الجل يشتكى من شعرك وتعمل نيو لوك كدا
اه ماهو البنت اليومين دول بتحبالواد المجلجل النيولوك فى كل حاجه وتحب الواد ابو شعر مفلفل اللى تلاقيه حاطط عشرين خاتم فى شعره الاهبل ده انتوا عارفينه باه
ماعلينا مش موضوعنا اسالنى انا
انا مجرب ومدوبهم
(أسترها معانا يارب دا احنا كدابين كدب ياجدع:)):)
ثانيا.. البس الحته اللى على الحبل اللى مش بتطلع الا من العيد للعيد وتكون كدا حاه روشه البنطلون المشرشر والمقطع من على الركبه حاجه تلفت النظر
اهو البنات بتوع اليومين دول ياخويا عايزين كدا
الله يرحمك ياستى
ثالثا .. تروح جرى تعرف هة بتمشى فين وتقولها تلقائى كدا انا بحبك يا........
طبعا هتبصلك بصه مش اللى هى
ولا يهمك روح قولها تانى
بحبك ياواد يا قمر انت
هترد عليك وتقولك.. لو ما احترمتش نفسك ههزئك وتاخدك جوز اقلام
ولا يهمك كله فى سبيل رضاها
قولها بحبك وانت عصبى كدا
هتقولك.. لو ممشتش اصرخ والم عليك الناس
ولا يهمك خش بقى هى كدا هتجاوب خلاص
هتصرخ وهتيجى الشرطه تبيتلك ليلتين فى قسم الشرطه وهيقوموا معاك بالواجب ويعرفوك الحب شكله ايه ولا يهمك كله فى سبيل الحب
طبعا هتطلع الحب كله على قفاك
وعايز تتطلعه لحبيبة القلب
تروح توضب نفسك تانى وتجيب علبه كريم جل جديده ياخساره العلبه الاولانيه
ولا يهمك ياسيدى ياما هتجيب
المره دى بقى خليك جرىء وتعرف بيتها وساكنه فى انهى دور وتطلع تخبط على باب الشقه هيفتحلك ابوها هيقولك انت مين ترد تقوله بقلب جرىء انا عايز بنتك فى موضوع عاطفى طبعا هيرحب بيك احلى ترحيب وياخدك على البلكونه ويقولك اتفضل
طبعا مش تستريح لا يا حلو دا هياخد يعلمك الطيران من فوق وياسلام بقى لو ساكنه فى دور سابع او تامن او عاشر
تتخرج من الكليه الجويه على طول
واستحمل يابنى كله فى سبيل الحب
وكدا تبقى واد حبيب على حق
طبعا هى هتحبك وقلبها هيرق علشان اللى بتعمله علشانها
اذا زارتك وانت ملفوف فى الجبس اذا ما متش لقدر الله اتقل عليها انت بقى المره دى
ملحوظه وطبعا قلنا ان كلها قصص اخرتها فشل للاسف عشان غيرنا مش بيقدر اللى بنبقى احنا فيه وبنعيش ايام جميله بتخلص بسرعه (اسف لو عكننت عليكم فى اخرالموضوع:()
