تقبل تكون جوز الست .. وانتى تقبلى تتجوزى واحد يكون عالة

http://www.masrawycafe.net/upload/up...0eb1a3b614.gif

الموضوع قديم لكنه متجدد ومتطور وبيختلف فى كل عصر عما قبله
من حيث الدوافع والاسباب
موضوع زواج فقير او غير مقتدر من سيدة تملك المال
وتقوم هى بدور المفروض انه دور الرجل
وهى ان تقوم بتولى مصروفات المنزل وطبعا الشقة وما الى غير

توافق لو انت مش عندك امكانية للزواج ان واحدة متيسرة الحال
تقوم بدورك وانت تبقى جوز الست
عن نفسى اوافق فى حالة واحدة وهى صعبة ..
الحالة دى انى اكون عندى القدرة والكفاءة على ادارة اعمالها
ومن مقابل ده اصرف على البيت من اكل وشرب وملبس ومصروفات اساسية
زى أى بيت
ولها مطلق الحرية من مالها تشترى ماشاءت وطبعا اكون امينا على أموالها
ولازم فى الاول عشان اوافق
انى أكون بحبها ... غير كدة مش حيكون فيه أى مبرر
لان لازم يكون فيه توافق اجتماعى طبعا

لكن المرفوض ان واحدة تملك الشقة وما الى ذلك
تتزوج من شاب لايملك شيئا على الاطلاق
وتقوم هى بالانفاق عليه ويكون هو زوج الست وعالة عليها ..
دى حالة لايقبلها أى رجل عنده كرامة
ولا تقبلها اى سيدة تريد ان تتزوج رجلا بمعنى الكلمة

تعالوا نتناقش وكل واحد يقول رايه
وكل واحدة تقول رايها

تقبل بالوضع ده انك تكون زوج الست ؟
تقبلى ان واحد يتجوزك وتقومى بالانفاق عليه ؟
حتى لو كان هناك حب

http://www.masrawycafe.net/upload/up...7bec76fb0f.gif

اكيد ما ينفعش اتجوز واحدة تصرف عليا حتى لو انا اللى بدير اعمالها ما ينفعش
بكل المقاييس الراجل راجل والست ست وعلى النظام دة قامت الحياة والحضارة الانسانية
ولو ما عنديش المقدرة مش هتجوز

شكرا نورعلى الموضوع الجميل دا
ودي قضيه متجدده دائما في مجتمعنا

بس انا من رائي ان الراجل هو الراجل والست هي الست
يعني مينفعش نقلب الموازين وتكون الست هي الراجل والعكس
حتى لو حكمت الظروف بكدا
اه هى ممكن تكون احسن منه في المستوى ومتيسره الحال عنه
لكن وقت زوجهم هما الاتنين بتصبح المرأه والرجل شئ واحد
ويعني معتقدش ان فيه ست هتقبل على زوجها انه يعيش عاله عليها
اكيد هتساعده لغايه ما يبقى احسن منها
او انها تخليه المتصرف في اموالها ولكن بحكمه وزنه عقل
ومننساش ان الرجال قامون على النساء
والراجل اللي يرضى انه يعيش عاله على مراته سوري يعني
ميستحقش انه يكون راجل او تطلق عليه الكلمه دي
لانها كلمه لها رونق ومميزات خاصه وكلمه عاله بعيده كل البعد عنها

اما عن رائي فطبعا انه بان من اجبتي
وهى اني ارفض وبشده اني اتزوج شخص كدا
وبعدين هو انا متجوزاه ليه عشان انا اللي اصرف عليه
دانا متجوزاه عشان هو اللي يصرف عليا ههههههههههههه:)):)):)):)):)):))
تسلم ايدك يا قمر

لالالالا والف لا مينفعش دا انا اقعد من غير جواز اكرملي

مشكوره نور لموضوعك

لا طبعا وده يبقى ازاى يكون راجل مادام مش شايل مسؤليه بيت واسره الرجل هو اللى يقدر يحميكى ويكون سندك من بعد الام ولاب فى الدنيا
تسلمى على الموضوع الرائع

الرجال قوامون ع النساء بما فضل الله بعضهم على بعض وبما انفقوا صدق اللله العظيم


دا الموت ارحم يا جدع

لالالالالالالالالالالالا ايه الكلام ده لاطبعا
انا متجوزه راجل
يعني متجوزه شخص يحميني ويحافظ عليا ويصرف بردوا عليا مش انا اللي اصرف عليه
انا اقعد ف بيت ابويا احسنلي وافضلي واكرملي بردوا

ميرسي ليكم علي المرور :-*:-*