كل سنه وانتو طيبين .. بمناسبة العيد .. عايز أسئل سؤال ؟

السلام عليكم ورحمة الله وبركاته


ازيكم أحلى شباب وأحلى بنات في الدنيا

كل سنه وانتو طيبين بمناسبة عيد الخروف ...


والعيد فرحة ....... ماااااااااااااااااااء :))



بالمناسبة السعيده دي

حابب أطرح عليكم سؤال واحد فقط


ياترى ايه هي طقوسك في العيد ..؟

مستني منكم الإجابات ..


تحياتي

حازم

في العيد
أصلي صلاة العيد
وأعيد على الكل أكيد
على قرايبي وأصحابي
على جيراني وأحبابي
واقوم بصلة الرحم
ومتنساش أكل اللحم
وألبس الزي الجديد
وأخرج مع أصحابي أكيد
ومنساش العبادات في القلب زي الزاد
وأدعي ربي في العيد أن الكل يبقى سعيد
ووحدة المسلمين ليوم الدين
أمين يارب العالمين
نجم النجوم
وكمان اخد نجمتي اهرب بيها لبعيد
من زحمة الشوارع باحتفال العيد
وساعات أحب أشوف الفرحة في عيونهم
عيون الناس الفرحة دي قدام الكنوز تنداس
وما تساوي فلوس ...
نجم النجوم

كل عام وانتم جميعا بالف خير
هذا العيد مميز لانكم تزينوه بتواجدكم الذي ادخل لحياتى البهجة والسرور
يا خير صحبه ويا احسن ناس

امنياتي للجميع بحياة هانئة وعيد سعيد
ودعائي لله ان يقدر لنا ان نزور بيته الحرام يوما ما

الف شكر مسلم على البادرة الطيبه
ولى عودة للاجابه على سؤالك ان شاء الله

موضوع جميل جدا يا (مسلم ) فعلا .. رائع جدا
و بالنسبة للطقــوس .. يعني هي مش طقوس بمعني الكلمة
بس حاجات اتعودت أعملها

طبعا أصلي بأفضل سهران لصلاة العيد و أصلي
و بعدين أرجع أنام و أصحي علي الظهر كده
و أقابل العائلة الكريمة و آكل اللحمة
و أخرج بالليل مع أصحابي و بالنسبة لهدةم العيد
فدي كانت حاجة زمان .. بس يعني ساعات و ساعات مش دايما
ميرسي يا ( حازم .. حازم ) علي التوبيك الجميل
:)

العيد فرحه ماء ماء العيد فرحه ياسلام ههههههه
كل سنه وانتم طيبين يا احلي اعضاء
اما انا في العيد بصلي انا وجوزي وبعد كده نروح نتمشي شويتين
وكل واحد يروح نفطر وبعدين انام واصحي الم العديه اه باخدها
وبعد كده اتصل بكل العيله واغلب بيجو عند بابا عشان هو الكبير
وبيبقي يوم جميل وبعد كده اعيد علي حماتي وحمايا
واخرج مع جوزي باليل

بس كفايه كده
يالا كل سنه وانتم طيبين وميرسي يا مسلم عالموضوع الجامد ده

كل سنة وانتو سالمين وينعاد عليكم بالصحة والعافيه

بصراحه انا على ما ارجع من الصلاة بستنى الخروف على مايذبح

باخد الكبده والطحال والكلوى والمنديل وشوية حركات كمااااااااااااااااان