الفلم المصري معروف

اول حاجه لازم نتكلم عنها هى الافلام الخطيرة ( افلام الاكشن)
-- الفيلم بسم الله ماشاء الله تشوف اعلاناته تقول بس دا الفيلم اللى انا مستنيه تيجى
تشوفه فى السينما تلاقع اعوزوبالله مفهوش غير 3 عربيات بيخبطو بعض ومنهم
واحدة تتكسر بخيابه كدا يكون فى طريق سريع مفهوش حد وسبحان الله تلاقى اى
كشك اى شويه حاجه ملهاش لازمه علشان العربيه تخبط فيها والعربيه التانيه تتخربش خرابيش كبيرة علشان يبان عليها والتالته الله اعلم مصيرها ايه
-- بالنسبه للضرب تلاقى الضرب لازم يكون يإما بطئ قوى وخايب كدا وحرات
مكشوفه واللى بيتخبط بوكس بيروح اخر الدنيا ( افلام الشحات مبروك فى
التسعينيات ) او سريعه قوى متشوفش حاجه ( فيلم الحاسه السابعه) والبوبلير هو
البطل الحقيقى فى الفيلم ( طبعا افلام تجيب للواحد الشلل دا طبعا غير اننا
عارفين نهايه الفيلم)
-----------------------------------------------------------------------------------
تانى حاجه الافلام الرومانسيه
-- الافلام الرومانسيه البطل لما يشوف البطله من اول نظرة تلاقى شويه هوا ملهمش
لازمه جم علشان يطيرو شعر البطله وعلى فكرة الشمس بتكون طالعه و الدنيا حر
وعرقانين وبعدين البطل تلاقيه مسنح ومتنح على البطله و مش واخد باله من اللى
بيكلمه
-- الافلام اللى فيها مصطفى قمر غالبا بيكون اسمه ( كريم او نور) بإستسناء كام فيلم
-----------------------------------------------------------------------------------
تالت حاجه الافلام الكوميديه
-- تلاقى البطل ( محمد سعد) مش بيضحكنا دا بيضحكنا على خيابته و الحركات الرزله اللى بيعملها و بيستهبل بيها زياده كتير قى عن اللازم
-- (احمد حلمى) سايق فى دور انه مش فاهم اى حاجه وعبيط بس دمه خفيف شويه
-- (محمد هنيدى) حلو وافلامه قصتها حلوة بس بيتريق على نفسه علشان هو قصير
فى كل افلامه
-----------------------------------------------------------------------------------
رابع حاجه الافلام الدينيه ( هجرة الرسول والحجات دى)
-- لازم ابو جهل وابو لهب حواجبهم كبيرة جدا عايزة واحد يتشعبط فيهم وابو سفيان
حواجبه كويسه شويه بس لازم يكون بيشرب خمرة فى كاس نحاس لونه اصفر
------------------------------ ------------------ -------------------
بصراحه حاجه تجيب الشلل وسعال ديكى