البث التجريبي لقناه تهيس سات مش حتقدر تغمض عنيك

شوفو يا جماعه الموضوع فى الاساس فكره جت لى وانتو طبعا عارين ان انا مقدرش اعيش من غير التهيس فقررت اعمل الموضوع دا وهو عباره عن قناه اسمها( تهيس سات ) هتقولولى طيب هنعمل فى القناه دى ايه وايه المطلوب اقولكم شوفوا القناه هتعرض اخبار التهيس بطريقه دوريه وباستمرار يعنى هنجيب مثلا خبر سياسى او فنى او رياضى ونحوله الى طريقه تهيسيه بحته يعنى على سبيل المثال

قرر المدير الفنى للعفريت الاحمر وبكل تنشنه التتبيت على اللاعب المعاق عماد النحاس رغم اصابته بشلل فى الركبه

وعلى سبيل المثال ايضا

قرر المدير الفنى الجديد لمدرسة الهجس والفركشه احتياج الفريق الى لاعبين من نفس عينة الموجودين فى الفريق للخروج بالفريق من كبوته ال كبوه اخرى

وعلى سبيل المثال ايضا

وبعد اجتماعات عديده للجبناء العرب قررو الهروب والابتعاد عن القضيه الفلسطينيه

وهكذا وما ننساش بعد ما نكتب الخبر نذكر اسم القناه

تهيس سات

واوعدكم لو تفاعلتم مع الموضوع هيكون فى تطوير للقناه بصفه دايما

وفى الاخير ارجوا ان الموضوع يكون مقبول للجميع وارجوا ايضا التفاعل مع الموضوع