يا دنيا الفرحه ليه غايبه دى عينى من الدموع دايبه
يا واخده الفرحه ليه سايبه الآم وجراح تبكينى
طريقى معاكى ليه ضلمه وكل الناس بقت ظالمه
ونفسى اسمع ولو كلمه تصبرنى وترضينى
صحيح عايش لكن حايش فى قلبى جراح بتالمنى
صديق غادر حبيب قادر يكون خاين ويظلمنى
حبيب العمر ليه باعنى وحضنه ما عادش بيسعنى
نسى القلب اللى بيعزه ودمعى ما عادش بيهزه
وحرر نفسه من وعدى وراح حب وعشق بعدى
ده خد من قلبى شوق وحنين وخد من عمرى احلى سنين
واخرتها طلع جارح
هيعرف قيمتى فى بعادى
هيرجع يبكى وينادى
ساعتها عمرى ما هسامح
وصاحبى اللى راعيت وده وعمرى ما كنت يوم ضده
فى حلو ومره ياما قاسمته ما انيش فاكر فى مره خاصمته
يجرّح فيّه فى غيابى يكرّه فيه احبابى
يبيعنى ف جرحى وف حزنى ويرجع وقت ما يعوزنى
