هو انت لسه منستش حبيبك
تانى هترجع تقول نصيبك
بيدق قلبك لو شفت فى حد تانى ملامحه
معقول تكون نسيت جرحه
وخلاص مسامحه
وياريته كان حبك وسابك
كنت قدرت تداوى عذابك
ده عمره ماحبك ولا قالهالك
مع انه حياتك بالنسبالك
عارف ان عينيك شايفاه
كل حاجة فيك حاساه
وبتتمنى يجى اليوم وتعيش وياه
بس ده حلم بتحلم بيه
وهم وسايب نفسك
وبكل ضعف
عايش فيه
وكل ده علشان مش قادر
تبطل أبدا تفكير فيه
لازم تنسى وتهدى وتقسى
علشان فى الأخر تقدر ترسى
على أى حبيب ممكن يستاهلك
ويكون لحبك حضن ومرسى
