وحشاني يا حبيبي نظره عينيك
وحشاني يا حبيبي نظره عينيك
وحشاني و الله لمسه ايديك
بشتاقلك بكل ما فيا هموت عليك
حس يا حبيبي بيا الله يخليك
ياما حلمت بحبك و كتمته جوايا
ياما بصيت في عينيك و داريت هوايا
صدقني يا حبيبي انت كل منايا
نفسي اعرف ان حلمك يا حبيبي لقايا
كنت لما اشوف عينيك اغمض و اسرح جوه قلبي
و كنت لما اشتاق اليك ابص لصورتك دقيقه و ابكي
و لما اشوف دمعه عينيك ابقي نفسي اخدك في حضني
و لما كانت تضحك عينيك كنت برقص انا من فرحي
اوعي يا حبيبي تكون مش حاسس بيا
اوعي تجرحني و تقول انك مش ليا
و تروح لغيري و تسيبني لدموع عينيا
انا عمري ما قسيت عليك متقساش عليا
استحمل جراح الدنيا الا جرحك يا ملاك
اعيش من غير الدنيا كلها الا هواك
انا كل حلمي يا عمري يوم لقاك
يوم ما تجي عيني في عينيك و اقول بهواك
