ترفع ضغط مراتك...عندى الحل
]ــ اتبرع انك تطبخلها ف يوم المهم انك تستخدم كل ادوات الطبخ اللى في المطبخ من اطباق وحلل ومعالق و يا حبذا انك تعمل الأكل شديد الدسم، وادى وشى لو سابتك تعتب باب المطبخ تانى....... بس انا كان قصدى ادوقها اكلى بس يلا ملهاش نصيب
ــ وانت بتغسل سنانك، متنساش تبل فرشة سنان مراتك عشان تفتكر ان انت استعملتها ..... اصلى مخنوق منها شوية وطالبة معايا برخامة عليها
ــ استناها لحد ما تخلص تنضيف المطبخ و تكون تعبانة و انت قاعد في الصالة، و بعد ما تخلص و تيجي تقعد جنبك ، قل لها: ممكن تجيبي لي كوباية مية، انا ظهري يوجعني اوى....!!!! عطشان يا جماعه اعمل ايه اموت من العطش عشان هيا كسولة غريبة والله
ــ قبل ما تحط هدومك في الغسالة، اتأكد من انك حطيت كمية كبيرة من المناديل ف جيوب الهدوم ...... مش قصدى انى اتعبها وابهدلها صدقونى بس عشان مش تتوه وتعرف هدومى من هدوم الراجل حمايا
ــ و انت تتفرج على التلفزيون، إعمل نفسك تعبان و عاوز تنام، و اول ما تمسك الريموت، قول لها: لاحول الله، انا بقالى مدة مستنى البرنامج، حاجة غريبة الستات دول ....!
ــ في اي وقت تكون مراتك عاملة رجيم، متنساش تملئ الثلاجة بالأيس كريم والحلويات يلا الاعمال بالنيات يا جماعه
ــ في عيد ميلادها، و قبل ما تقولها عيد ميلاد سعيد، قول لها: والله و كبرتي يا وليه....!! شوية رومانسية يا جماعه مقدرش احرمها من الحب والكلام ده
ــ احلى هدية تديهالها ف اليوم ده كريم لتجاعيد البشرة .... ياجماعه عشان السن واحكامه مش حاجة تانية
وبعدين انتوا مالكوا اجيبلها كريم تجاعيد ولا اجيبلها علبة صورايخ حتى يلا كله بثوابه وكله عند الله
عايز معرفش اقرا من الردود:-O
