لالالالالا تقتلوا المسكين................. بالسكين

--------------------------------------------------------------------------------

لا تقتلوا المسكين........ بالسكين

انا ما أقول كلام من نسيج خيالي أو شيء من نوادر جحا أو قصة من غرائب الف ليلة وليلة وانما انا بقول لكم قصة واقعية

حصلت معي لما كنت امشي في احد الاحياء بعد صلاة العصر وانا قاعدة امشي شفت لي واحد ارعب من سفاح اليمن وسفاح

اليمن هذا ما يساوي شيء تحت هذا الانسان اللي بصراحة ميت القلب او متحجر المشاعر ..... ايه ما علينا وكان ماسك له

سكينة حادة وتقول حشا هذي موب سكينة هذي سيف ...ويلحق بالمسكين يبغي يقتله... انا هذا الوقت ما ادري اش صار فيني

قام جسمي يرتعد ويرتعش حتى شعر جسمي وقف من الخوف.... لكن الناس كانوا يشوفون هذا الرجال بكل برود وهدوء لا

وبعد في ناس كانوا يشجعون السفاح ويصفقون له ويضحكون على ذاك الفقير المسكين.... يا ناس يا جماعة وين الرحمة ؟

وين الانسانية؟ ينقتل المسكين بدون ذنب والناس من حوله يتضاحكون وين الشرطة وينك بس يا سوبر مان تجي بس و تنقذ

هالمسكين؟ وينكم يا اهل العواطف والقلب وينكم؟؟لا حول ولا قوة الا بالله..... وفي النهاية .... مسك السفاح ضحيته وسحبه

من رجله الى المطبخ وهناك المسكين لقي مصرعه ولا ادري الى اي البطون صار..........

تراه موب انسان تراه خروف