°ˆ~*¤ ~ˆ° سائل طبيعي للتبييض والتصفية °ˆ~*¤ ~ˆ°
( سائل طبيعي للتبييض والتصفية )
المفاجئة الاحلى:
يناسب الاطفال من عمر ثلاث سنين فما فوق
بس بشرط نخفف نسبة الليمون ونزيد بدلها موية الورد
كذا يصير الطف على بشراتهم الحساسة
فوائد السائل :
1- يصفي بشرة الجسم ويخفف من الكلف والاختلافات اللونية
( نلاحظ النتيجة بعد اسبوعين من الاستعمال )
2- يعطي نعومة رهيبة للجسم والمناطق اللي عهدتوها خشنة ومحرجة
ويطلع فيها قشور راح تشوفينها تلق نضارة ولون مورد
3- ينفع للاطفال (بنات-اولاد) لانه طبيعي ...
(شرط ماتكون بشرتهم ملتهبة ومعهم حروق شمس)
وبناتكم بالذات اذا كبروا بيدعون لكم
( باذن الله لا سواد ركب ولا جسم مبقع او خطوط وتشققات جلدية )
4- روووووووعة روووووعة للرجول والسيقان ....
يخلي رجولك قطنة موردة من النعومة والبياض عن تجربة ....
النتيجة تبان بالذات للسيقان والرجول بوقت اسرع واقصر .....
5- يناسب الكسولات واللي ما ينتظمون على تدهين اجسامهم بعد الشاور اليومي
وكمان اللي يكرهون دسامة وتدبيق الكريمات وملمسها الثقيل عل الجلد
6- منعش جدا وريحته حلووووة.
المقادير :
عصير4 ليمونات ابو زهرة او بنزهير >>>> زي ماتسمونه بس
هو الليمون الصغير اللي جاي لونه على اخضر
1ملعقة /ك زيت لوز مر
1م/ك زيت لوز حلو
1 م/ك زيت خروع
1م/ك جلسرين سايل ( سائل شفاف مثل الزيت وليس الكريم ابوعلبة حمرا)
1 م/ك زيت جنين القمح
4 م/ك زيت اطفال بيبي اويل .... افضل جونسون باي ريحة تحبونها
2 م/ك موية ورد
علبة فاضية ( علبة اسكينول – علبة زيت جونسون وذي الافضل واللي استعملتها شخصيا)
* جميع الزيوت اصلية من شركة وادي النحل اخدتها
الطريقة :
اعصري الليمون وصفيه من أي لب او بذور...
راح يطلع معك العصير
مقدار ثلاثة ارباع بياله شاي عادية ....
ثم ضعية بعلبة بلاستيكيه نظيفة ومغسولة ......
اضيفي عليه بعد ذلك باقي المقادير .....
ثم غطي العلبة بغطاءها الخاص .....
ورجيها جيدا لحد ما يطلع معنا خليط متجانس لونه اصفر على بيج .
ويحفظ بالثلاجة بعد الاستعمال ....
والكمية تكون كافية لثلاثة ايام بالكثير
و كل مرة تسوين جديد فريش وتكون النتايج افضل ....
كيفية الاستعمال :
بعد الشاور اليومي المعتاد .... استحمي بشاور جل او صابونة
( افضل دوف أي لون او صابونة بابايا اصليه من عند العطارين او اي نوع صابون)
و مافي صنفرة او ليفة مغربية اكثر من 3 مرات بالاسبوع لان السائل فيه ليمون ....
يعني لو فركتي وقشرتي بخشونة ....
راح تحسي بالليمون يلسع ويقرص الجلد ويسبب حكة
المهم ... بعد ما تشطفي الجسم من الصابون ....
وانتي لسة بالحمام .. لك مطلق الحرية ... تبين تنشفين الجسم من الموية بتربيت خفيف
او تتركيه مبلول .... مو مشكلة ... زي ماتحبي واللي يريحك ....
اهم شي جيبي علبة السائل وارجعي رجيها من جديد
( لانه راح يرد ينفصل الزيت عن الليمون) وابداي وزعيه
وادهنية على الجسم بالكامل ماعدا المناطق الحساسة حاولي تتلافيها بالذات عند الاطفال
واللي تبي تفتح المناطق الحساسة عندها مو مشكلة امسحي من برا على الشكل الظاهري
بس مسح من برا وبس خليها على الجسم لا تغسليها
وجففي جسمك كالمعتاد باي منشفة او روب استحمام والبسي ملابسك عادي ...
لا راح توسخ ولا تدبق وما تحتاج أي ترطيب بعدها .......
وشوفي النظافة والريحة والنعومة كيف ... جوووناااان .... ومن اول استعمال
كم مرة نستعملها باليوم ؟؟؟؟
1- للجسم : مرة او مرتين يوميا كفايه
2- للرجول والسيقان : بعد كل وضوء للصلاة وهي لسه مبلولة موية
ادهنيها على السريع من السائل ......الحين عرفتو ليش باول الموضوع
قلتلكم انه يحسن ويحلي الاقدام وتبان النتايج عليهم اسرع
( من ثالث يوم نتايج حلوة ومشجعة )
خلي الحركة ذي روتين مع كل وضوء وشوفي كيف راح تبيض رجولك وتورد.
3- لليدين : زي ماتحبي ... كل ما شفتيها جافة وتحتاج ترطيب دهنيها منه .
4- للاطفال : يكفي مرة باليوم .... وبالاسبوع 3 مرات.
ملاحظات مهمة :
1- ماينفع نستعملها ونطلع في الشمس بعدها ....
راح يقلب البياض سماااااار وطوال فترة استعمالها اللي يبون بياض
يستعملو بهالفترة واقي قبل التعرض للشمس .
2- الاطفال : كمية الليمون تكون لهم اخف وعوضي باقي الكمية بموية ورد
بدل الليمون لان بشراتهم حساسة .
3- لاتستخدم على الوجه .
4- افضل الموظفات والطالبات يستعملوها بعد ما يردون من الدوام
5- اللي تعرف ان بشرتها حساسة وما تتقبل الليمون او أي نوع من الزيوت فوق ....
فلا تستعملها.... وعشان خاطرها ما ينكسر ..... ولا تعتب علينا ....
اقولها اخلطي الزيت اللي يناسبك منهم فوق مع موية ورد وزيت اطفال واستعمليها
عسى نكون ارضينا كل الاطراف .
6- الي يحبون استعمال بودرة الاطفال بعد الحمام .....
مو مشكلة لو حابين تستعملوها بعد السائل والتجفيف ...
عادي وما تاثر
الوصفة منقوله
