:-Bمساء الخير عليكم كلكم ........
أنا كنت كتبت موضوع تحت عنوان (ياريت نبتدي بنفسنا) و دة التكملة بتاعتة ..................
لو كل واحد فيكم قعد في يوم علي قهوة ولا حتي في البيت مع العائلة أو الأصحاب حتلاقي أن مناقشة المواضيع دايما عندنا غريبة جدا ...:-/
يعني مثلا اللي صوتة أعلي و مقامة أكبر هوة اللي ماسك دفة الحديث دايما و يقعد يتفلسف و هوة مش عارف حاجة أو حتي عارف بس عارف وجهة نظر واحدة و أكتفي بيها و دة عيب كبير و لية ؟؟؟؟
لأن السن مش هوة اللي بيخلي الكلام صح أو غلط أنما المعرفة
و اهم حاجة برضة أن انتة تبقي دارس الكلام كويس من كل الجهات علشان ميخرجش واحد و يديك رد يخلي شكلك وحش:(
وكمان لازم تعرفوة أن الصوت العالي هو دليل علي ضعف الموقف ....وحاجات تانية كتير مش عايزين ندخل فيها علشان منخرجش من الموضوع الأساسي ألا و هو أسلوب المناقشة ......
حد فيكم حس الأحساس دة .....لما تتناقش مع واحد مصري أو عربي بصفة عامة تلاقية بيهاجمك أنت مش المشكلة ......ومخة قافل عند النقطة دي و مش عايز يفهم و دة لية علشان الكرامة و عيب يرجع في كلامة
ثم انتة عيل بشخة ....ازاي تبقة عارف أكتر مني ؟؟؟؟؟؟؟<:-P
ومن هنا نوصل للنقطة اللي أنا عايزها ........
هوة لية أسلوب المناقشة فينا غلط .......
أية المشكلة لما تسمع و بعدين ترد
أية المشكلة لما كلامك كان مبني علي وجهة نظر غلط و تم التصحيح
فيها أية لو واحد أصغر منك أو أقل مقاما نور بصرك لحاجة معينة
و أهم حاجة .....انتة بتزعق لية و بتبرق عنيك .......هوة أنتة بتتخانق ؟؟؟؟؟؟؟X-(
ثم انا عن نفسي مبكلمش عن الحاجة ألا لما أكون عارفها أو مرت علي من قبل و أكتفي بما اعرف ولا أضيف ..........
المشكلة الكبيرة ان أحنا لما بنتناقش كدة مش بنوصل لحاجة و لو وصلنا لحل بيكون متأخر قوي و دة لية ؟؟؟؟
علشان نصف الوقت كنا بنهدئ في بعض !!!!!!...........سبحان الله يا اخي ........طب من الاول كان الطيب احسن
يعني واحد يكلم و التاني وراة و التالت و هكذا و بعدين نشوف النقاط المشتركة المتفق عليها و نجيب النقط المخالفة و نتكلم بهدوء لحد مانوصل لحل وسط لان لازم نعرف ان الرأي الواحد هو رأي مدمر دائما و بيبقي غالبا مبني علي ميول شخصية........
و اهم أهم أهم حاجة ...........
الاحترام.........لازم تحترم راي كل واحد حتي لو كان مخالف لرأيك و بلاش الالفاظ الخارجة في المواقف دي لانها بتولع الدنيا
ولو المناقشة في يوم خرجت عن أطارها الصحيح ....لابد من التوقف حالا علشان الموضوع ميتأزمش اكتر
ونرجع في يوم تاني نكمل الكلام
من الاخر همة 6
الفهم المتبادل...الاحترام.....المعر فة...البلاغة....الذكاء.....الأس تماع الجيد
لو عندك الصفات دي .............روح اتناقش
مش عندك
أتعلمها و بعدين اتناقش:-B
فهو حقك .....وكنة موقوف حتي تفهمة جيدا
