أنا عندى كارثه

أنا عندى ADSL منزلتش Antivirus ولاقيت أمبارح أنذار بتدمير الملفات و جيت أسطب Antivirus أحياناً لما أدوس نكست يعتبر كأنه صوره و تتمسح و أحياناً مايفتحش أصلاً و كنت مسطبة Kasper وكان بيفتح ثانية و يقلب كصوره بردو مع العلم أنه كده مشتغلش لأنى لما بفتح ال Task Manger مبيكنش موجود لو حد عنده حل غير الفرمته و تنزيل ويندوز تانى يقول خصوصاً أن دى حكاية صعبه عشان الملفات و عشان عندى باد سيكتور يا ريت تردوا شكراً

اقتباس:

---

المشاركة الأصلية كتبت بواسطة esra2

أنا عندى ADSL منزلتش Antivirus ولاقيت أمبارح أنذار بتدمير الملفات و جيت أسطب Antivirus أحياناً لما أدوس نكست يعتبر كأنه صوره و تتمسح و أحياناً مايفتحش أصلاً و كنت مسطبة Kasper وكان بيفتح ثانية و يقلب كصوره بردو مع العلم أنه كده مشتغلش لأنى لما بفتح ال Task Manger مبيكنش موجود لو حد عنده حل غير الفرمته و تنزيل ويندوز تانى يقول خصوصاً أن دى حكاية صعبه عشان الملفات و عشان عندى باد سيكتور يا ريت تردوا شكراً

---

على فكره نفس المشكله عندى ...وبسطب نسخه وبرده بيرجع يعمل تانى
ايا ريت اللى يعرف الحل يقولنا
(على فكره معظم مشاكلك عندى ..... سواء كانت خاصه بال كومبيوتر او فى اى حاجه تانيه) يكنش انتى التوام التالت اللى بندور عليه =))=))=))=))

الصوره فى المرفقات

السلام عليكم

المشكله اللى عندك تتلخص فى وجود فيروسات على الجهاز

فيه كام حل اما تفرمت الجهاز كله او تعمل للجهاز ايسكان عند واحد صحبك وتنزل نسخه جديده بعد الاسكان على الجهاز

وبعد تنزل النسخه ان شاء الله هيكون تمام

لان خصلت المشكله نفسه عندك وعملت اسكان عند صحبى ونزلت نسخه والحمد لله تمام
وهتسطب اى برنامج انتى هيشتغل ان شاء الله
وسلمى لك

السلام عليكم ...

بعد السلام ...

اولا دي مشكله بسيطه ...

اولا ده مش فيرس ...

دي حسب الصوره اللي في المرفقات ولو حسب الكلام اللي انت كتباه يبقي فيرس ,,,

والحل للاثنين لو ده مش فيرس هنتعامل معاه كلاتي ,, لو انت معاكي حد علي الشبكه يبقي في حد بيعمل هاكر عليكي وده حسب اللي في الصوره لان ده نوع من انواع الهاكر ...

والو مش معاكي حد علي الشبكه يبقي فيرس حسب كلامك اللي انت كتباه يبقي لازم تعمل سكان علي الجهاز بتاعك عند احد مهندسي الكمبيوتر المختصين ويعملك اسكان ويفرمتلك c ويحاول يشيلك الباد سيكتور اللي علي الجهاز او بمعني ادق يلغيلك المساحه اللي عليها الباد سيكتور وبعدين ينزلك سيستم وبرنامج مكافح فيروسات ويفضل برنامج Avast وده برنامج جميل جدا وخفيف جدا علي الجهاز افضل من الكاسبر ...

وبكده بأذن الله المشكله هتتحل ..

دمتي بود ...

اقتباس:

---

المشاركة الأصلية كتبت بواسطة parkour2009

على فكره نفس المشكله عندى ...وبسطب نسخه وبرده بيرجع يعمل تانى
ايا ريت اللى يعرف الحل يقولنا
(على فكره معظم مشاكلك عندى ..... سواء كانت خاصه بال كومبيوتر او فى اى حاجه تانيه) يكنش انتى التوام التالت اللى بندور عليه =))=))=))=))

---

توأم تالت؟!!!!!!!!!!!!!

اقتباس:

---

المشاركة الأصلية كتبت بواسطة elgazar1

السلام عليكم

المشكله اللى عندك تتلخص فى وجود فيروسات على الجهاز

فيه كام حل اما تفرمت الجهاز كله او تعمل للجهاز ايسكان عند واحد صحبك وتنزل نسخه جديده بعد الاسكان على الجهاز

وبعد تنزل النسخه ان شاء الله هيكون تمام

لان خصلت المشكله نفسه عندك وعملت اسكان عند صحبى ونزلت نسخه والحمد لله تمام
وهتسطب اى برنامج انتى هيشتغل ان شاء الله
وسلمى لك

---

مش عايزه أخرب جهاز حد
عشان هيقولولى أنا أصلحه و يبقى معملناش حاجه

اقتباس:

---

المشاركة الأصلية كتبت بواسطة MagMan

لو انت معاكي حد علي الشبكه يبقي في حد بيعمل هاكر عليكي وده حسب اللي في الصوره لان ده نوع من انواع الهاكر ...

---

أنا أعرف اللى معايا كويس أوى و عمرهم ما يوصلوا للدرجه دى ;;)

اقتباس:

---

المشاركة الأصلية كتبت بواسطة MagMan

ولو مش معاكي حد علي الشبكه يبقي فيرس حسب كلامك اللي انت كتباه يبقي لازم تعمل سكان علي الجهاز بتاعك عند احد مهندسي الكمبيوتر المختصين ويعملك اسكان ويفرمتلك c ويحاول يشيلك الباد سيكتور اللي علي الجهاز او بمعني ادق يلغيلك المساحه اللي عليها الباد سيكتور وبعدين ينزلك سيستم وبرنامج مكافح فيروسات ويفضل برنامج Avast وده برنامج جميل جدا وخفيف جدا علي الجهاز افضل من الكاسبر

---

أنا سهل بالنسبه لى أنى أفرمت الجهاز بس المشكله الحاجات اللى عليه مهمه:(
عموماً شكراً لمحاوله مساعدتى >:D<

انا كان عندى نفس المشكله بتاعتك بس ببرنامج ESET Smart_Security اتحلت المشكله أقولك ازاى

سطب البرنامج وبعدين سطب السورس بتاعه واعمل سكان على الجهاز بس بدون توصيل كابل النت

وبعد ماتعمل سكان للجهاز نزل ويندوز تانى وان شاء الله الجهاز هايبقى تمام بدون فورمات

ويارب يكون فى ردى إفاده

اقتباس:

---

المشاركة الأصلية كتبت بواسطة طارق حافظ

انا كان عندى نفس المشكله بتاعتك بس ببرنامج ESET Smart_Security اتحلت المشكله أقولك ازاى

سطب البرنامج وبعدين سطب السورس بتاعه واعمل سكان على الجهاز بس بدون توصيل كابل النت

وبعد ماتعمل سكان للجهاز نزل ويندوز تانى وان شاء الله الجهاز هايبقى تمام بدون فورمات

ويارب يكون فى ردى إفاده

---

أكيد فى ردك أفاده لأن لو منفعش معايا ينفع مع غيرى ;)
و عموماً أنا هجرب قريب و أقولك نفع ولا لأ
شكراً>:D<