ما هو الذى يربطنا ...... برجاء دخول جميع الأعضاء
بسم الله الرحمن الرحيم
السلام عليكم أخوانى وأخواتى
يمكن أنا أول مرة أكتب موضوع وأقول
..... برجاء دخول جميع الأعضاء
لكن اللى انا أعرفه
لما بيكون حد زعلان من حد بيحبة أو شايل منه
لازم يقوله
وانا شايف ان في حاجات بتحصل كتير معانا
يمكن فى سؤال بقى محيرني الأيام دى ومش عارف ليه جه على بالى
ما هو الذى يربط أعضاء مصراوى كافيه ؟؟
يمكن فى ناس جديده كتيرة بتدخل كل يوم
فى منهم اللى بيستمر معانا
وفى اللى بيمشي من أول يوم
لكن اللى بيستمر الكل أكيد (وهتكلم بصراحه)
بيجرى ان هو يرحب بيه فى قسم الترحيب
وفى ناس كتيييييير قوى
لازم تلاقيها مع كل عضو جديد
وبيقولو ان هما بيحببو الناس فالمنتدى
لكن بمعامله الناس دى
انا شايف انه كدب
وانهم بكده بيكدبو على نفسهم مش علينا
انا عارف ان المبادئ مابتتجزأش
وان اللى كويس كويس فى كل حاجه
ولا إيه يا جماعه ؟؟
مش مجرد ان واحد يغيب شوية
يتنسي
أو لما يكتب مواضيع محدش يرد عليه
أو أو أو
يا جماعه بصراحه انا شايف ان فى ناس هنا كتير
مقتبسه شخصيات غير نفسها
وانا شايف ان ده يبقى أسمه نقص
محدش يزعل من كلامى
انا لازم أكون صريح
علشان فعلا بحب المكان ده
وياريت برضه اللى يرد يرد بصراحه
يأما مايردش أحسن
انا شايف يا جماعه ان المجاملات كترت قوى زياده عن اللازم
وكل واحد ييجي يشكر فى حد شوية
الحب مش بالكلام
الحب بالفعل
وأحنا لو بنحب المكان ده فعلا ً
بإيدينا نعمل كتيييير قوى
ياريييييت يا جماعه
نحكم ضميرنا على كل كلمه بطلع مننا
وبلاش المجاملات
وبلاش الناس اللى عامله نفسها ملاك
وهى مقتبسه شخصيه تانيه
وأنا عرفتهم كويس قوى
وبلاش ذكر أسماء
يا ريت يا جماعه
دعوة مفتوحه
اللى شايف ان هو كان بيضحك علينا فى أى حاجه
يقولنا
لو فعلا بيحبنا
......................
وياااااااريت محدش يزعل من كلامى ده
انا كان ممكن أطنش وأكبر دماغى
بس انا مش كده
لأنى فعلا حبيت المكان ده وفعلا خايف عليه
ولكم فائق الأحترام والتقدير ........
وأنا واثق أن الموضوع ده محدش هيرد عليه :(
والسلام ختام
