احنا اللى هنحدد مصيرنا مش حد غيرنا

http://www.up7up.com/pics/L/18/1198462735.jpg

في ظل تضارب الأنباء حول نية الحكومة المصرية الاتجاه إلى إلغاء الدعم عن السلع والاكتفاء بالدعم العيني، اعلن الرئيس المصري محمد حسني مبارك أنه لا الغاء للدعم علي الاطلاق


خليكوا معايا متزهقوش


أكد وزراء المالية والتضامن الاجتماعي والتنمية الإدارية أن الدعم النقدي للسلع سيتم بالتدريج بدءا من سلع بطاقات التموين وأعلن الدكتور علي المصيلحي وزير التضامن الاجتماعي أن الدراسات التي تجريها الحكومة تدور حول وصول الدعم لمستحقيه واستبدال الدعم السلعي بالنقدي

ده يا جماعه مش كلامى ده كلام جرايد زى ما بنقول
بس ماتيجوا احنا نناقشها بعقل وكل واحد يقول اللى نفسه فيه

الاول قالوا مش هنشيل الدعم وبعد كده قالوا هيبقى دعم نقدى
هما قالوا كده
بس احنا مع مين
احنا نفضل ايه
الاسعار تولع ويدوا الموظفين عشره عشرين جنيه
ولا يبقى الوضع على ما هو عليه

اقولكم على حاجه حصلت فى محافظه السويس
قالوا انه هيجربوا التجربه دى فى السويس
عارفين كان رد فعل الناس ايه
اولا قيام مظاهره قوامها حوالى 3 الاف فرد والذهاب لبيت المحافظ
ثانيل تعطلت الحركه فى السويس
تخيلوا محدش نزل الشغل بس كده هيتخص منه فلوس
عادى بس ادام هيجيب نتيجه خلاص يبقى مع المصلحه العامه
ايه بقى كانت النتيجه

اعلن محافظ السويس عن رفض شعب السويس لتجربه الغاء الدعم

تبقى الحكايه بايدينا مش بالحكومه يبقى نتحد على رأى هنلاقى المصلحه العامه اتحققت

طيب دور الشباب ايه والبنات

نفكر نشوف احنا عازين ايه مش عشان بابا اللى بيصرف يبقى ملناش دعوه
لا كلم صاحبك قولوا يرضيك هيقولك لا قوله خلاص منوافقش

ولو كنتم موافقين على الغاء الدعم خلاص مش هنختلف
بس على الاقل يكون لك رأى ودور
وبلاش سلبيه عشان نتقدم بقى

قولى رأيك ودوافعه ولا تكتفى بكلمه شكرا

بصي يا بنتي
في الاول انا كنت متأكد من حكاية ان الدعم دي مش ها يتلغي
وكنت متأكد ان دي مجرد فرقعة اعلامية الهدف منها الهاء الناس عن مشاكل كتير منها الغلاءو.....و........
المهم
حكاية الدعم النقدي دي اصلاً مش ها تغطي كافة فئات الشعب
يعني بالكتير الدعم ده ها يوصل للموظفين
طب والباقي؟؟؟
واحد بسيط من اوائل الناس اللي يستحق الدعم
بس مش شغال في الحكومة
مجرد اجير - علي باب الله يعني- يعمل ايه؟؟
الدعم ده يوصلوه ازاي؟؟

رأيي انا الشخصي
ان الدعم مش يتلغي لو ايه اللي حصل
علشان فعلاً احنا في بلد تعبان مادياً
وفي ناس كتير اوي تستحق الدعم
بس اهم حاجة المسئولعن الدعم ده يبقي ناس بتعرف ربنا هي المسئولة عنه توزيع الدعم
والدعم يوصل للي يستحقه عن طريق الناس دي

وفي الاخر تسلمي روللي ع الموضوع الجامد اوي ده

تسلم يا جميل علي المرور المميز
وعلي ردك الجميل

بس اخرت الموضوع ده يعني الواحد نفسيته تعبت من اللي يقولك الانبوبه 28 جنيه
وان الرعيف العيش ب ربع جنيه و و و و الواحد يعمل ايه يعني يقطع نفسه يا ختي ههههههه

تسلم علي مرورك المميز يا جميل