شوية نكت مصرية لذيذة ((اخلى مسئوليتى عن اى تأثيرات جانبية))
شوية نكت مصرية لذيذة
****
مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا" قالها: "الحب زى النجوم
الجميلة اللى فى السماء.قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."
http://us.i1.yimg.com/us.yimg.com/i/...mileys2/04.gif
***
واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد.
http://us.i1.yimg.com/us.yimg.com/i/...mileys2/04.gif
***
واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد : تاخد بتاعتي؟؟
http://us.i1.yimg.com/us.yimg.com/i/...mileys2/04.gif
***
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا ؟؟؟" الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون
http://us.i1.yimg.com/us.yimg.com/i/...mileys2/04.gif
***
نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..
فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".
وقالت الزوجة الانجليزية "أنا قلت لجوزى أنا مش هعمل حاجة خالص فى
البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."
جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة
تالت يوم بدات أشوف شوية بعينى الشمال."
http://us.i1.yimg.com/us.yimg.com/i/...mileys2/04.gif
***
مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية
http://us.i1.yimg.com/us.yimg.com/i/...mileys2/04.gif
***
مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها
http://us.i1.yimg.com/us.yimg.com/i/...mileys2/04.gif
***
رد: شوية نكت مصرية لذيذة ((اخلى مسئوليتى عن اى تأثيرات جانبية))
ههههههههههههههههههههههههه هه
ههههههههههههههههههههههههه ههه
ههههههههههههههههههههههههه هههه
مش عارف امسك نفسى من كتر الضحك
حلوه النكت دى يا جميل
تسلممووووو يا جميل على النكت
رد: شوية نكت مصرية لذيذة ((اخلى مسئوليتى عن اى تأثيرات جانبية))
:)):)):)):))
اخر جمال عنجد يسلمو عالنكت الروعه
كلهم حلوين كتير :)):)):))
رد: شوية نكت مصرية لذيذة ((اخلى مسئوليتى عن اى تأثيرات جانبية))
[ية نكت مصرية لذيذة
****
واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز
حلوه قوى قوى قوى
رد: شوية نكت مصرية لذيذة ((اخلى مسئوليتى عن اى تأثيرات جانبية))
مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها
http://us.i1.yimg.com/us.yimg.com/i/...mileys2/04.gif
جامده اوي دي
تسلم ايدك
