أنا أدري يـا حبيبي مِـنْ ورى عيـني تخون
أنا أدري يـا حبيبي مِـنْ ورى عيـني تخون
لا تِظِـنْ إنِّكْ مِكَـذَّبْ .. لا تِصَدِّقهَـا ظِنونك
ومِنْ يِقُولْ آنا أحِبـكْ وقلبي عايشْ لِكْ يصون
آنـا مثلك يا حبيبـي مِنْ ورى عِينكْ أخونك
هَـانْ قلبـي في عُيونِكْ و هَمْ بَعَدْ قلبِكْ يُهون
عِشتْ أيَّامِـكْ بِدُونِـي و عِشتْ أيَّامِي بدونك
دامِكْ تِسَمِّــي الخِيَانَــه في مَلفاتِكْ جنون
فِينــي لِكْ مَليُونْ جِنِّــي كِلُّهُمْ والله يَبونك
لاتِسَوِّي لِـي حِكايَـة نُونْ ومَـا لا يَعْلمون
يَعْنِي فاهِمْ يَعْنِي عَارفْ وإنْتَ ضايعْ وسطْ كونك
كيفْ أحبكْ؟ ليه أحبكْ؟ وإنتَ أصْلاً مِنْ تكون
شخصْ خايِنْ والله باينْ حِطْ عيـني في عيونك
لا تِمَثِّـلْ دُورْ عَاشِـقْ ولا تِقولْ إنِّكْ حنون
إنْتَ قاسِـي إنْتَ ناسِـي إسْألْ اللِّـي يعرفونك
أو ترى يمكِـنْ يكـونوا مِثلِكْ إنتَ يكذبون
يذكرُونِكْ.. يفقدُونِـكْ.. بالكِـذِبْ هُمْ يعشقونك
لا تِصَدِّقهُم وتَبْكِي وفـي غِيابِـكْ يضحكون
لا تأمِّنْهُـمْ وأحْـذَرْ قبـلْ لا تبـدي طعونك
والله باكِرْ ما يفيدِكْ لا بـدَى وقتْ الطعون
يطعنُونِكْ وإنتَ شايفْ وإنتَ عَـايشْ يذبحونك
والمصيبه بَعَدْ مُوتِكْ بالكِذِبْ هُـمْ يحزنون
يدفنُونِـكْ.. يكرمُونِـكْ..و إلاَّ يمكِنْ يتركونك
هِي حَياتِكْ وإنتْ كِيفِكْ خُونْ لو وِدِّكْ تِخون
بَسْ إفْهَمْ شَيْ واحِـدْ .. إنَّ مِنْ خِنْتَه يخونك
رد: أنا أدري يـا حبيبي مِـنْ ورى عيـني تخون
يسلمووووووووووووووووووووو ريم على الشعر الجميل جدا
رد: أنا أدري يـا حبيبي مِـنْ ورى عيـني تخون
اقتباس:
بَسْ إفْهَمْ شَيْ واحِـدْ .. إنَّ مِنْ خِنْتَه يخونك
جميل ريم
تسلمى
رد: أنا أدري يـا حبيبي مِـنْ ورى عيـني تخون
اقتباس:
المشاركة الأصلية كتبت بواسطة طيف عابر
يسلمووووووووووووووووووووو ريم على الشعر الجميل جدا
رد: أنا أدري يـا حبيبي مِـنْ ورى عيـني تخون
اقتباس:
المشاركة الأصلية كتبت بواسطة أحمد عمر
جميل ريم
تسلمى
رد: أنا أدري يـا حبيبي مِـنْ ورى عيـني تخون
جميله جدا يا رولي
تسلم الايادي الي كتبتها
ميرسي جدااااااااااا
رد: أنا أدري يـا حبيبي مِـنْ ورى عيـني تخون
اقتباس:
المشاركة الأصلية كتبت بواسطة young divel
جميله جدا يا رولي
تسلم الايادي الي كتبتها
ميرسي جدااااااااااا
