عرض للطباعة
ياجماعة انا عندى مشكلة عويصة وما اظنش انى عندكم حل لها بس قولت اطرحها ممكن حد عنده الحل
انا عمرى ماحبيت غير الحب بتاع الثانوية وطبعا كان حب مراهقة ومن بعد هذا الحب لم استطع ان احب مرة ثانية حتى الآن حتى شعرت وكأن عاطفة الحب هذه انتزعت من قلبى لا اعرف كيف ولا متى ولا اين وانا بدون حب انسان محطم اقل شىء أشعر بالضجر والضيق وادعو ربى ان يخلصنى من الحياة وينقلنى الى الآخرة
فماذا افعل فى مشكلتى فانا مازلت محطم
اولا مش عاجبني ابدا نبرة اليأس اللي جواك ديه
تانيا عمر الحب مابيقف ابدا على شخص
الكل بيحب
بس انت مش تستعجل خلي عندك صبر وبعدين سيب الحب هوا يجيلك براحته وديه حاجه معروفه طبعا يافرعون ان الحب بيجي لوحده مافيش حد بيدور عليه طبعا
بس انت لسه مش قابلت شريكة حياتك
ماحدش عارف ربنا مخبيلنا ايه يعني اكيد كل واحد هاياخد نصيبه طبعا
لكن انت لسه نصيبك مش جيه يبقى المفروض نقوى ومش نضعف بالطريقه ديه ولا نيأس ابدا
خلي ايمانك بربنا اقوى من كده بكتير
واوعى تتمنى الامنيه اللي بتتمناها لان يومك مكتوب عند ربنا بس زي ماقولتلك الصبــــــر
...
وغير كده كمان هاتقولي السن ومش السن والكلام ده هاقولك طيب انت ممكن تتجوز جواز تقليدي وبتعرف ان الجواز التقليدي بيستمر بالحب على طول اه لو اتجوزت على حب هايستمر بردوا لكن واللهي على حسب مابشوف وبقرأ بلاحظ الجواز التقليدي تلاقي الحب مابينهم اكتر من انك لو اتجوزت على حب..وبتبقى علاقه جميله
وبعدين انت هاتستعجل على الحب وهاتحب اي حد مش ممكن تتجرح منه وممكن وممكن.......وكتير جدا
وبعد كده هاتكره الحب خالص من اساسه وهاتتعقد وهاتيأس اكتر من الياس اللي انت فيه ده
وكل ده هايحصلك لانك استعجلت على الحب...
سوري طبعا طولت عليك لكن مش تستعجل
سيب الحب يجيلــــــــــــــــك براحته..
وصحيح كمان مودي عامل موضوع ف نفس القسم ده
والكل بيشارك بعضه ف الخنقه اللي هما فيهم
اسمه للمخنوقين فقط
https://forum.masrawycafe.net/showthread.php?t=14447
وربنا يوفقك ويسعدك:)
لا حول الله ياربي
أولا هو سنك كام عشان حالة اليأس ده لي عندك
وحتى لو عديت الخمسين مسيرك برده تحب
الحب ده مش حكاية حنرويها ولا موضوع حنكتبه ونقراه وبعد كدا نطوي صفحاته
الحب احساس وممكن يدخل قلبك من غير سابق اندرا لا له وقت ولا حين
ومش معنى انك لسة ما حبيت انك تتمنى ربنا يخلصك من الدنيا
أستغفر الله مش نهاية الكون ولكل أجل كتاب
والنصيب محدش عارف هو فين
ومادمت حي ترزق الا ونصيبك حيجيلك وبكرة قلبك يدق
متستعجلش في حاجة مش بايدك
الحب لا يمكن تشتريه ولا هو بيتباع
ويوم محيخبط بابك ولا حياخد منك الادن وابق افتكر كلامي
استغفر ربنا لأنه وحده العالم بالغيب
انا عارف الكلام ده ياجماعة بس انا مش عايز اتزوج الزواج التقليدى انا عايز اتزوج عن حب وطبعا خايف لانى السن بيكبر بى
وشكرا جزيلا لاهتمامكم بالمشكلة
جزاكم الله كل خير ودمتم بخير
لا حول الله
انا رائى
انك تتمنى الموت افضل
ياراجل انتى لسه هتحب
القلب الكبير
ميرسى ياعمرو ده من ذوقك
المكتوب على الجبين لازم تشوفه العين
افرض معايا لو ما حبيت والعمر بيجري ولا جاتشي صاحبة النصيب
معناه انك تموت أو تطلب من ربنا يخلصك من الدنيا
هي الدنيا عملت معاك ايه دور يمكن العيب فيك
على كل ربنا دائما بيقدم الي فيه الخير
وكل تأخيرة وفيها خيرة
ميرسى شمس لمشاركتك واسعدنى مرورك ع الموضوع
صدقنى
زمان كان كل نوع من الفواكه ليه موسم
دلوقتى
تلاقى فواكه الشتا فى الصيف
وبرضه
فواكه الصيف موجودة فى الشتا
ورغم ذلك
الحب له موسم هيجيلك هجيلك
ما تستعجلش
ربنا يبارك فى عمرك
بس لما تحب ما تزعلش
تقبل مرورى
ميرسى حديد بجد مشاركتك طمأنتى نوعا ما وانا سعيد جدا بمرورك