كــل النــــاس شــــايفنا حــــبايب

كل الناس شايفنا حبايب الا عنيكى
نفسى نرجع تانى لبعض الله يخليكى
نفسى بحبك مرة بجد اسمعه منك
لكن تبقى صحيح حساها مش غصب عنك


شايف وسامع من بعيد كل الكلام اللى اتحكى
فى ناس بتقول وناس تعيد وقلبى من كتر كلمهم بكى
كل كلامهم عنك كدب وقلبك اجمل مملكه
لا عمرى معاكى قولت اه ولا مرة قلبى اتوجع واشتكى
بجد معاكى وليكى انا ارتحتلك ...... وعاللى فقلبى انا ليكى جيت وقولتلك



كلامهم عنك لاهيقدم ولا هياخر
وانا عن حبك عمرى فــ ثانيه ما هتأخر
كلامهم كله بالنسبالى راح واتنسى
وانتى حبك عندى نعمه كويسه
املى عنيا منك فالصباح وفالمسا
يا اجمل ملاك فالدنيا ديا مخلصه


ما تستغربيش ما تستعجبيش ...انا بحبك كل ده ليه
هو اكيد فى سر لحبك واكيد هقولك عليه
من يوم ما شوفتك احساس غريب بيخدنى ليكى
بيشدنى ويخلينى ادوب فنظرة عنيكى
بتنور ليا طريق حياتى اللى كان ضلمه قبل منك
احلام كتير واكبر حلم منهم مقدرش استغنى عنك



عارفه بحبك اوى كده ليه
انا حقيقه مش عارف
جايز علشان وانا جنبك مطمن اوى ومش خايف
مرت عليا سنين حلمى بس القى هواكى
حلمى ده مش هيكمل غير بس يا حبيبتى معاكى
وغريبه الدنيا بتخدنا ايام وسنين
يا حبيبتى مش عايز نبقى انا وانتى لناس تانيين
ده الهوا هوانا والحب خلاص جوانا وانا وانتى اكيد عارفين