كنت محتاجاك .... دلوقتى متلزمنيش

لاول مره هقولك كلمه جديده



هسمعك كلمه عمرك ما سمعتها منى



ولا كنت تتخيل انى ممكن فى يوم كنت اقولها




بكرهك



بكرهك وبكرهك كل شئ يفكرنى بيك



بكرهك وبكرهك انى يوم قلبى حنلك



بكرهك اد حبى ليكى



اد شوقى



اد لحظات حزنى فى غيابك



اد تفكيرى وخوفى عليك



اد دموعى وقلقى



بكرهك ياللى كنت أنا



بكرهك وهكره نفسى



لانك كنت فى يوم نفسى



بكرهك



بس افتكر



فى بعدى عنك



هيضيع منك كل شئ جميل



أنا كنت ضميرك اللى بيرجعك للسكه الصح



أنا كنت حنيتك وطيبتك



أنا كنت سبب كل شئ جميل فيك




مش غرور يا أنا



بس لازم تعرف قيمتك من غيرى



أنا من غيرك هرجع احسن من الاول



انت من غيرى هتضيع



هندمك على كل كدبه كدبتها عليا



هندمك على كل لحظه عذبتنى فيها



هندمك على كل لحظه استغلت فيها حبى



هندمك على كل لحظه قدرت فيها تبعد عنى



هترجع بس ساعتها مش هتلاقينى



مش هتلاقى القلب اللى حبك



لان قلبى دا حطيته تحت رجلى



وحطيت مكانه حجر يقسى عليك ويجرحك




هحطمك بكرهى ليك



وقسوتى عليك



وموجتهك بحقيقتك



هكون سبب كرهك لنفسك



زى ما كنت سبب فى انك تحبها وترجعلها



هعرفك انك كل الحزن اللى عشتيه قبلى



دا ولا حاجه للي هتعيشه بعدى



هعرفك معنى الموت بجد



هعرفك معنى الاحزان والدموع



هعرفك معنى الذل والخوف



وجودك هينتهى باختفائى من حياتك



هتفضل تموت الف مره على انك تعيش لحظه بعدى



هعرفك قيمتك بجد



ياللى كنت فى يوم أنا



وهندم على كل الحب اللى فى قلبى ليك



هندم على كل لحظه صدقتك فيها



هندم على انى اقتصرت العالم بس فيك



هندم انى وثقت فيك



هندم على انى كنت ليك كتاب مفتوح



وانت ليا الغموض كله



هندم على صراحتى معاك



وانت طول الوقت معيشنى فى كدب



هندم وندمى مش هيهدمنى



هندم وهنسى اللى فات وهنساك



همحيك من قلبى ومن حياتى



حتى كذكرى همحيك



متلزمنش ياللى كنت فى يوم أنا



كنت محتاجاك .... دلوقتى متلزمنش