احب اتكلم عن الحب ياترى كل واحد مننا عارف يعنى ايه حب وهل يزال الحب موجود ولا مجرد كلمه كل واحد مننا بيرددها اليومين دول او مجرد حاجه اتعودنا عليه ان احنا نقول بحبك لاى شخص ممكن ارتاح ليه او احس بأعجاب من ناحيته وطبعا كل واحد وواحده اليومين دول الشعور داه مسيطر علينا بس للاسف لان كل واحد بيمشى وراء مشاعر حتى لو كانت مشاعر كدب .
الحب يعتبر حاجه مبنيه على اساس. وعلى فكره الحب مبنى على العقل والمشاعر مش على المشاعر بس او بيقتصر على كلمه بنرددها كتير اوى اليومين دول الحب الاساس اللى عمره ما بينتهى حتى بالموت يعنى مثلا لو احنا بنينا عماره اكيد ليها وقت وممكن تنهار او ليها نهايه واحنا كمان لينا نهايه انما الحب مالوش نهايه حتى بعد الموت لان الحب اجمل حاجه خلقها ربنا سبحانه وتعالى لينا بس الحب الحقيقى الخالى من اى مشاعر مزيفه واغلبيه المشاعر المذيفه دى موجوده اليومين دول غالبا فى الحب فى الجامعه مثلا او الحب اللى بيتبنى على اوهام وحاجات خاليه من الواقع علشان نقدر نحافظ على الحب لازم يكون حلمنا واقعى ومش مبنى على خيال واحلام مش فى امكان اى طرف من الاطراف .
ياترى لو كل واحد نظر نظره جواه وعرف هو عايز ايه ونفسه فى ايه ويفكر فى عقل شويه عن كل اللى بيحصل حوالينا للاسف اغلبيه تفكير الشباب او نظرته للحب حاليا تعتبر مجرد نظره جنسيه وميهموهش حتى اللى ايه اللى ممكن يحصل بعد كده بس اهم حاجه عنده انه يرضى غريزه جواه وتحت مسمى الحب . الحب اللى احنا لو كل واحد مننا اكلم عنه مش هيقدر يوصل لمعناه او مضمونه الحقيقى . وعلى فكره ان اساس الحب الحفاظ على كلا الطرفين من كل حاجه فى الدنيا ممكن تضره . بس للاسف احنا بقينا نتباهى بالغلط ونزيد ان احنا نعمله اكتر ونفتخر بكل داه ويفتكر انه كده بيحب .
ياريت كل واحد على الكافيه يتكلم عن معنى الحب فى نظره ولو فى اى مشاكل عن الحب نطرحها ونناقشها سوى بإذن الله وانا انشاء الله هاهاكمل الكلام عن الحب ومشاكل كتير فى مواضيع اخرى ومستنى مشاركتكم بمواضيع عن الحب
