دي وحده جوزها مبيغارش عليها ابدا
خرت معاه مره ولما رجعوا قالتله شفت الشباب الي
كانوا جنبنا من شويه عملوا ايه ..
قعدوا يعاكسوني بدون ما تنتبه ..
قال : اهوو انتي قلتيها (( بدون ما انتبه )) ..!!
إرتفع ضغطها من زوجها البارد وفكرت بخطة تانيه تخلي زوجها يغار عليها .
راحت لجارهم ( أبو علي ) وقالت له على موضوع زوجها وكانت عاوزه منه حل لمشكلتها .
قال أبو علي : لازم يشوف راجل عندك في البيت عشان تتحرك مشاعره ويغار عليكي .
قالت : خلاص أنت يابو علي تعال عندي .
قال : لالا . أنا أديكي الحل وبس .
المهم قعدت تترجاه وتقنعه إنه يجيها ويكون سبب في حل المشكله ..
وافق ( أبو علي ) وجاها قبل ما جوزها يجي من الشغل..
قامت الزوجه وحطت أبو علي في الدولاب .. وبعدها بدقايق وصل الزوج للبيت .
قالت الزوجه للزوج : عاوزاك تشتريلي فستان ..
قال الزوج : فساتينك كتيره .. مش محتاجه تشتري ..
قالت : لا ما عنديش ولا فستان ..
قال : دولابك مليان فساتين ..
قالت : لا . مافيهوش فساتين .. ولو مش مصدّق روح واتأكد بنفسك .
راح الزوج وفتح الدولاب .. وقعد يعـدّ الفساتين :
ده فستان .. وده فستان .. وده فستان ..
والنبي يا ابوعلي ابعد كدا شويه .. وده فستان .. وده فستان .!!
