بعدت اهو و قادر تكمل و تعيش
و إنت اللي كنت تقولي "بعدك ما ليش
إنتِ اللي عمري بعدها ما يساويش"
و اديني دلوقتي.. بغصب قلبي ما يقاسيش
بس كانت غلطة...!
كانت غلطة لما حبيتك
كل اللي فيا اهديتك
بالفرحة و الحب مليتك
و بعيوني م الدنيا داريتك
كانت غلطة.. و يا ريت ما كنتش لقيتك!
أصلك كنت بالنسبالي الدنيا و ما فيها
نستني إحساس الغربة و مآسيها!
ليه لما سلمتك روحي جرحت فيها؟
مع إني كنت مأمنة معاك عليها!
بس أصلها كانت غلطة
كانت غلطة.. و يا ريت ما كنتش لقيتك!
جرحي قتلني و مش هقدر أرجع
ما تعودتش لغير ربنا أركع
و لقلبي و عقلي من تاني هبدا أسمع
أصلها كانت غلطة...! و يا ريتني ما لقيتك
كتير بنغلط بحياتنا.. و الغلط دة ممكن يكون حاجة
غيرت حياتنا و غيرتنا أوي! بس المهم.. ما نخليش
القهر يتملكنا.. و نفضل مصاحبين الأمل.. و ننسى
الماضي و ما نوقفش حياتنا عند حد...
