تعالى اتعلم ازاى تبقى جنتل مان
السلام عليكم
ازيكم يا شباب اخباركم ايه
الكلام هنا للرجال بس ياعنى دى قاعدة رجالة
و بصفتى راجل حبيت اجيبلكم الحاجات الى البنات بيحبوها تتعمل عشانهم
و ازاى انك تكون جنتل مان مع حبيبتك او خطيبتك
1 ـ خليك دايماً على اتِّصال بخطيبتك للاطمئان عليها ومفيش مانع من كلمة حلوة لأن الموضوع ده هيترك أثر جامد في نفسها.
2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.
3 ـ انتهز أي فرصة وهات لها هدية حتى لو بسيطة لأن الهدايا بتقرّب المسافات، وبتفرّح أي حد.
4 ـ تجنب أي تصرف يدلّ على العنف والتهور زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده خليك جنتل مان في كل تصرفاتك.
5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.
6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة
وتديها آراء جادة دون الاعتماد على آراء الآخرين..
يعني مش لما تسألك على حاجة تقول لها معرفش.. لما أسأل بابا أو أسأل ماما
لأن الكلام ده ممكن إنه يضايق أي بنت ويحسّسها إن خطيبها غير قادر على تحمل المسئولية
(((((((((((((عن تجربـــــــــــــــــــــ ــــــــــــــة ))))))))))))
7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.
8 - عاملها ديما بأحترام خاصة لما تبقى بتتكلم فى موضوع عرفها انك معاها وسامعها و فاهمها .
9 - لما تبقو خارجين مع بعض عرفها ديما انها جميلة و انها اجمل من اى حد و مفيش مشكلة لو تقولها شكلك حلو اوى النهاردة .
10 - متكدبش عليها فى اى حاجه حتى لو كانت تضايقها و لما تعرف منك احسن ما تعرف من اى حد تانى.
11 - اهتم بشكلك و مظهرك الى يليق بيك .
وفي النهاية أحب أقول لكل ولد وبنت مخطوبين حاجتين اتنين وبس:
الحاجة الأولى:
وهي إن كل طرف يكون عنده استعداد يتغيّر للحاجة اللي بيحبها الطرف التاني وحابب إنه يشوفها فيه.. وخاصة إذا كان التغير ده هيكون للأحسن.
الحاجة التانية:
بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل..
بس كده..
مستنى اعرف آراءكم إيه
في الكلام اللي اتقال ده..
كمان لو حد عنده أي نصيحة يحب إنه يقدمها
لأي اتنين مخطوبين يا ريت يقول لنا عليها
