جواز مين يامان والناس مش شايفه غير الدخان
شويه سحابه سودا , شويه وزارة سودا ,زهقنا من التوهان
انا عن نفسى بقولها باعلا صوتى طز فيك يا انسان
انسان دى كلمة شفتها فين مش فاكر ياربى اصلها من زمان
سامحونى مش نظرة حزن ولا كآبة بس بضحك ع اللى بتقول ارجع يازمان
وهو الزمان ممكن يرجع طول ما عايش بينا شلة كان
مش شلة كان الناصبه كان ـ ظل ـ بات ـ أضحى ـ أصبح ـ أمسى ـ صار ـ ليس - دول شلة كان ياما كان
شلة عوالم دول جمع عالم عاملى فيها زى ابو قردان
شلة فساد والكفر ساد وسنين سواد وبردو بتقولى انسان
انسان جبان انسان مهان وكل داه ليه عشان راح زمن الشجعان
انا هسكت بس ياريت مسمعش حد يقول انسان او ارجع يازمان
عشان كلنا بقينا فخبر كان
( منصوب علينا )
