يا سلام على ايام الندالة.... انا كنت ندل ندل يعنى مش اى حاجة تعالا واضحك
أكيد أى واحد مننا عنده أصحاب كتير ده بخلاف الصحبات طبعآ هههههههههههه
( ودول بقي هانخليهم علي جنب لوحديهم مالناش دعوة بيهم )
أنا واحد من الناس عندى أصحاب كتير فيه منهم اللي دمهم خفيف علي قلبي
وفيه منهم اللى ( أعوذ بالله ) مابينزلوليش من زور
بس مصاحبهم غصب عنى ( يعنى فيه مصلحة من صُحبيتهم هههههههه أصل أنا مصلحجى شويتين )
بس بحاول أتخلص منهم واحد واحد ( لأ مش أقتلهم ماتفهمونيش غلط ) هههههههههههه
أتخلص من معرفتهم بس عايزين تعرفوا بعمل إيه علشان أتخلص من الصحاب دول أقول لكم
الموضوع ده أنا بعمله من ايام ما كنت في الثانوية
لما ألاقي واحد إترمى عليا برزالته وصاحبنى غصب عنى أروح أذاكر معاه أه أذاكر معاه !!
مرة عملتها مع الواد إبراهيم زميلي في المدرسة
الواد إبراهيم ده كان خنيق ودمه يُلطش وعايز ضرب النار ومن كتر خنقته رمى بلاه عليا علشان يصاحبنى
( اللى يشوف كده يقول إنى مافيش منى في الكرة الأرضيه والبشريه كلها نفسها تصاحبني ههههه )
المهم الواد إبراهيم ده أنا إتخنقت منه وقررت ونويت والنيه علي الله إنى ( أشنكحه ) ( أشألطه ) يعنى
إيه ما وصلتش الكلمة طب أبيعه و أفلسعه وأخلعه من قايمة أصدقائي ههههههههه ( متهيألى كده وصلت ) المهم
روحت رايح مذاكر معاه أصل أنا كنت عارف إنه عنده أخت ( ضاربها لغم ) ههههههههههه
وشكلها مش ولا بد تقدروا تعتبروها من مخلفات حرب الأستنزاف ولا الحرب العالمية هههههه
الواد إبراهيم وأنا قاعد بذاكر عنده راح منادي علي أخته علشان تجيبلنا كوبايتين شاي علشان نظبط دماغنا
( مع إنى ما بشربش الشاى أصلآ بس قولت مش مشكلة بجملة الخنقه اللى أنا فيها دي )
راحت جاية الموناليزا ( تبرتع ) من المطبخ شايلة صينية الشاى
وأول ما دخلت الأوضه قولت في عقل بالى ( مش مشكلة يا واد يا مانو خليها عليك كله يهون علشان
خاطر تخلص من الرزل اللى قاعد جنبك ده ) هههههههههه ( ندالة مش كدة )
يعنى الواد مقعدك في بيته تذاكروا مع بعض وباعت السندريلا تعملتلك سم هاري علشان تطفحه
وتقول عليه في الأخر واد رزل والله ما فيش رزل غيرك هنا ههههههه ( اقولها أنا قبل ما حد يقولها ) المهم أول ما دخلت ست الحُسن والجمال الأوضه روحت باصص لها ومسهوك( هاتقولولي يعنى إيه مسهوك )
هههههههه وبصراحه أنا ما اعرفش معناها بالظبط بس هي جاية من السهوكة يعنى شوفتوا الواحد لما يكون
ضارب بانجو وعايز ينام وعينه مفتوحه نص فتحه بالعافية ومتنح وتحسوا كده إنه أهبل أهى السهوكه حاجة برضه زي كده المهم روحت باصص لها وأنا مسهوك ومغمض عين ومفتح التانية نص فاتحه
وعاضض بسنانى علي شفتى اللي تحت لقيتها ما صدقت هى كمان وراحت مسهوكة ووشها ضرب الوان
من الكسوف ( ههههههه قال يعنى وش كسوفة وهى اساسآ وش عربية نقل وعاملة حادثة كمان ) هههههههه
المهم أنا سوقت في الندالة وإستحليت الموضوع ( ندل ندل يعنى مش أى كلام ههههههههه )
وبقيت أخد الدرس الخصوصى عندهم في البيت علشان أخد نظرة من مادونا القرن الرابع قبل الميلاد
وأروح قبل ميعاد الدرس بأربع خمس ساعات علشان أكلمها ( وكل ده علشان اخوها يلاحظ إن الموضوع فيه ندالة )
وأخيرآ وبعد مجهود شاق الواد أخوها إبراهيم رزاله هرش في مناخيره وشم ريحة ندالة في الموضوع
راح جاي وعامل معايا خناقه لرب السما وقعدت اضرب فيه لحد ما جيه ولاد الحلال
( ربنا يسترهم ويخليهم ويديهم الصحة كمان وكمان ) وخلصونى من إيديه بالعافيه ههههههههههه
( أكلت ضرب يوميها ما أكلوش حمار في مطلع هههههههه )
المهم قدرت بالطريقه دي إنى أخلص من الواد إبراهيم رزالة وقدرت أبيعه وأفلسعه وأخلعه من قايمة أصحابي والحمد لله .
بس بعد كام يوم عملت برضه خناقه تانيه لرب السما مع واد صاحبي تانى غير الواد إبراهيم
بس المرة دى الندل الجبان كان بياخد درس عندى في البيت وقرر
( يبيعني ويفلسعنى ويخلعنى من قايمة أصحابه )
( شوفتوا الندل ) ؟
ههههههههههه
