انطلاقة حملة شارك صح .. معاً نحو منتدى أفضل
انطلاقة حملة شارك صح .. معاً نحو منتدى أفضل
http://www.masrawycafe.net/upload/up...a8ce128847.gif
السلام عليكم ورحمة الله وبركاته
الأخوه والأخوات الأفاضل
جعلكم الله دائماً وابداَ في احسن حال وفي رغدٍ من العيش
حملتنا .............. شارك صح
اقتداءاً بالاية الكريمة : (ما يلفظ من قول الا لديه رقيب عتيد )
شارك صح
عشان تكون كل كلمة بميزان حسناتك.
شارك صح
عشان تكون كل كلمة ليك مش عليك.
شارك صح
عشان يكون ليك حسنة جارية بكل حرف بتكتبه.
حملة شارك صح !!.... يعني ايه اشارك صح؟؟!!!
اولا: احنا مين ؟؟!!!
إحنا مجموعة شباب اتجمّعنا من منتدي اسلامى
ثانيا: فكرتنا ايه ؟؟!!!
عبارة عن حملة بتناقش طرق حل سلبيات كتيرة أصبحت واقع بمنتدايتنا لينا حلم واحد وان كان المكان صغير على حلمنا الا انه جمعنا وضمنا هنا هنبدا نتكلم ونعلى صوتنا فى المجتمع اللى بنعيشه هنتكلم عن كل حاجه حلوه ووحشه وهنظهر للشباب اللى قدنا اننا نقدر وهنقدر نتغير
ثالثا: يعني ايه برضو؟؟!!!
الحملة بدأت بملاحظة سلبيات كثيرة ظهرت منها
1- عدم الوعي بمدى صحة الكلام اللّي بنكتبه أو بننقله وأثره علي أعضاء المنتدي وزواره اللّي بينقلوه لمنتديات تانيه
2- التجاوز في الردود بين بعض الأعضاء
3- إنتشارالسلبية
4- وغيرها كتير ...... اللّي مركزة عليه الحملة
وبإذن الله مع بعض هنتخلص منها.
رابعا: الهدف من الحملة ايه؟؟!!!
المنتدي عبارة عن صورة مكتوبه لاعضاؤه
عن فكرهم وأحلامهم وطموحاتهم.
وبما إننا أجمل شباب مسلم
يعني بنعبر عن دينا ومعتقداتنا
بنوضّح للعالم مين المسلمين وإزاي بيتعاملوا مع بعضهم
بأي طريقة وبأي إسلوب
لازم صورتنا تكون إيجابية
ميبقاش في فرصة لأعدائنا يهزأوا بينا.
عشان يوم الحساب نبقى فخر لرسولنا الكريم محمد صلى الله عليه وسلم.
خامسا: والحملة عبارة عن إيه؟؟
الحملة عبارة عن مجموعة من الخواطر مكتوبة بأسلوب جديد وطريقة عرض مختلفة
كل خاطرة بتحل مشكلة أو أكتر من المشاكل اللّي ظهرت مؤخرًا بمنتداياتنا
هنقوم بطرح خاطرة كل اسبوع
وعليك تشارك معانا وتساعدنا في نشرها
سادسا: والمطلوب إيه دلوقتي؟؟
ساعدنا..
شاركنا في تحقيق هدفنا
بأفكارك وإقتراحاتك
وصّل كلامنّا للمنتديات اللّي تعرفها
انشرها ..... وخد أجر نشرها
يمكن غيرك محتاج لكلمة ومستنيها
وتكون إنتَ السبب في تغيره
..........................................
سابعا وإزاي أشارك؟؟
انت مش محتاج تكون عضو مشترك او يصلك كود تفعيل اشتراك لانك بالفعل مشترك معانا بمجرد موافقتك لفكرتنا لكن علشان تشارك معانا صح فى حملتنا ضيف :
إيميل خاص بالحملة
sharek_sa7
على الياهو
وكل اللّي عليك تختار المنتدي اللي هتنشر فيه الحملة وتسجل عضو جديد
اسم العضو : شارك صح
والإيميل اللّي تسجل بيه يكون إيميل الحملة المذكور
وبمجرد إشتراكك في المنتدي هنفعّل حسابك فيه
وتراسلنا على الايميل عشان تعرف الجديد في الحملة وتقوم بنشره
................................
في إنتظار أفكاركم وإقتراحاتكم
ولو في أيّ إستفسار
تتقدر تتواصل معانا علي إيميل الحملة
ولكم منّا جزيل الشكر
اللهم اجعل هذا العمل خالصا لوجهك الكريم
والسلام عليكم ورحمة الله وبركاته
جميع الحقوق محفوظه لإدارة حملة شارك صح
