...الابتزاز
قصص لا ع البال ولا ع الخاطر!!
شبة يوميا ادخل هالرابط
قصص مايتخيلها عقل !!
معقولة في ناس كذا!
ناس في حالها وجى من يبلاها !..والمصيبة من قريباتها او زميلاتها !
وناس ماشية بالغلط وهي عارفه!
ولاشي.. ترى القصص اللي طلعت بالبرنامج..عند اللي مكتوبة بالموقع!
طبعا الكل يعرف البرنامج المشهور 99 بالقناة الرياضية
وخاصتا الحلقة المثير للجدل (تجار الفضيحة)..بعنوان ابتزاز الفتيات
جبت لكم رابط في موقع المذيع نفسة..كانوا منزلينه يستقبلون فيه حالات الابتزاز
وحبيت انكم تقرون لو شي بسيط من هالقصص!
ابتزاز..
من مشرفين منتديات !
من سائق تاكسي!
من موظف بالاتصلات !
من موظف مسؤل عن التوظيف!
من مشرف على قناة مشهوره!
من زميلات !..و بنات عم او خال!!!! مهددات من شباب او حاقدات!
من زوجة الاب!!!
ولا وصلت للمشاغل !!
وكلها طبعا ابتزاز بالصور او بتسجيل صوتي او فيديو!
وبعضها استمر سنيييييين 8 و9 .....ووصلت لل 14سنه!!!
دفعت فيها البنت شرفها اووفلوسها ,
(على فكرة ترى مشرفين المنتديات يقدرون يخترقون الاجهزة لانهم بكل بساطه يعرفون الابي تبعك للجهاز!< فاانتبهوا وكلمة انتبهي بسيطه احذري كل الحذر اخيتي ترانا خايفين عليك من الاوغاد)
مااطول عليكم ..
لان القصص اللي قريتها اكبر من اني احكي عنها ..واكبر من الاختصار !
والله يا بنات شي شي غريب!..
بعض القصص من قمة الظلم اللي فيها بكتني ,
اتمنى انكم تقرون هالقصص< بتستفيدون كثيييير
لا من ناحية صور ولا زملات ولا علاقات ولا اشراف بمنتديات ولاشات ....ولا غيرها
لا في نت ولا جوال ,
مع اني خريجة حاسب الا اني اكتشفت اشياء كثير ماكنت اعرفها !
لاكن ماأقول الا الله يكفينا شر من فيه شر
ويبعد عنا عيال الحرام
ويستر علينا بستره
قبل كل شي
انا لو مو معتبرتكم مثل اخواتي ويهمني امركم ..ماكتبت هالرساله اصلا ولا ضيعت وقتي !
هذا انا اعلمكم ..ولاتجون بكره تقولون ماكنا ندري
لان اغلب البنات اللي صار لهم الابتزاز ..كان لهم صور على اجهزتهم واخترقها هكرز وجلس يهددها!..وهي ماتعرف انُ جهازها بمجرد اتصاله بالنت معرض للاختراق من اي احد!
اولا :لاتخلون صور لكم ع الاجهزة (الكمبيوتر او الجوال)...نزلوها على فلاش او سي دي اذا تبين تحتفظين فيها
ثانيا :طبعا اذا كنت بتنزلين صور لك من الجوال او من كام ع الجهاز(الكبيوتر) وبعدها بتنزلينها على فلاشة او سي دي <<لاااااازم ياحلوه تكونين فاصله جهازك عن النت
ثالثا: لاتتركين اي معلومات او بيانات لك ع الجهاز
اسمك , رقم الجوال, العنوان ...الخ
سواء في واجب اوسيره ذاتية او اي شي <<شغلكم خلوه على وسائط خارجية
رابعا :الماسنجر وماادراكم مالماسنجر
لاتضيفين اي احد اذا ماتعرفينه طبعا..وخاصتاً من المنتديات ...لان بكل بساطة الرجال اللي يتخفون بااسماء بنات كثييير..واصلا ماسوا هالحركة الا لها الشي !..
خامسا :اذا كان جهازك فيه كاميرا...اول شي تسوينه الان ..انك تغطينها بستكر او باي شي ..لان في برنامج مصمم مخصوص للماسنجر يفتح الكاميرا
وبدون علمك ويشوفك ويصورك بعد!<<واذا تبون تتاكدون شوفوا المساكين اللي بال
youtube
سادسا :لاتفتحين اي ملف اومقطع مو متاكده من صاحب الرساله (صوت او صوره او فديو اوملف نصي ) لان هذي طريقة الهكر في اختراق الاجهزه
اسمعوا كلام هكرز مسجل بالمنتدى >>يقول
المقطع مثلا المقاطع الصوتيه غالبا تلقين باخرهاا صغية
MP3 او WMA
هذي مافيها شي
اما المقاطع اللي اخرها صيغة
SUR او AS
او اي صيغه غير اللي ذكرتها فوق
يعتبر ملف تجسس بمجرد انك تقبلينه يكون الهكر اخترق جهاازك .
سابعا : اذا لك صور ع الجوال اتمنى تنزلينها بفلاش او سي دي اوتحذفينها
فا انت ِان سلمتي من سرقة او ضياع الجوال ....فما تضمنين انك تسلمين من هكرز الجوالات !..ايه هكرز جولات!<<طبعا هم يخترقون الجوالات اذا كنتِ مشغلة البلوتوث
وينسخ الصور وكل البيانات اللي يبي !
ثامنا :اللي تتساهل بهالاشياء تتحمل مايجيها ..لان البنات دفعوا ثمن هالشي غاااااالي!
ولا اسمع وحده تجيني تقول : مالقوا الا انا يخترقون جهازي من بين هالعالم !
ولا مالقوا الا صوري ياخذونها .ولا من زين صوري ..ولا غيره !
احذروا ..
ومن خاف سلم ,
والله البنات بكوا دم على تساهلهم ...وشوفوا القصص باانفسكم!
تاسعا :اذا في اي وحده منكم محتاجة مساعده او خدمة انا مستعده
عاشرا : العائد من الذنب كمن لاذنب له ...من ابتليت بهالعلاقات المحرمة اتمنى انها تتركها
وتحمد الله انُ الى الان ساتر عليها ..
ولا.. تنتظر الى ان تنفضح احسن !!
وما ذُكرغيض من فيض
اتمنى اني قدرت ابين شي من هالعالم المبهم (النت)
أخيرا ..
ارسلي هالمسج لزميلاتكم لعل منهم من كانت جاهله بهذه الامور ,
الله يستر علينا وعلى بنات المسلمين
سبحانك رب العزه عما يصفون وسلام على المرسلين والحمد لله رب العالمين
دمتم بخير
على فكرة الموضوع ده منقول هو جالى على الاميل وحبيت
انكم تشفوه
