الحلقة الأولى من برنامج " يوميات مواطن مصري مطحون "
ـــــــــــــــــــــــــ ـــــــــــــــــــــــــ ـــــــــــــــــــــــــ
مقدم البرنامج " انتهينا " والضيف " salama10 "
ـــــــــــــــــــــــــ ـــــــــــــــــــــــــ ـــــــــــــــــــــــــ
واحنا ماشيين في الشارع بندور على جاموسه تايهه قابلنا عم الحج سلامه واقف بيكلم نفسه
سألناه بتكلم نفسك ليه يا عمنا قال نفسي احل مشاكل البلد المعفنه دي
فلما توسمنا فيه الحكمة والرزانة قررنا اننا نستضيفه في اولى حلقات برنامج " يوميات مواطن مصري مطحون "
عم الحج سلامه مصدقش نفسه طبعا وكان شويه ويطير من الفرحه لكن ربنا ستر ولحقناه قبل ما يطير ...
أخدنا عم الحج سلامه لمقر البرنامج وقعدناه على الكرسي بالعفيه بعد ما كان فاكره آلة الزمن ...
وبدأ البرنامج بدخولي " مقدم البرنامج " ودار الحوار التالي :
أنا : ج /سؤال / من رأيك يا سلامه ما هو السبب الرئيسي في مشكلة رغيف العيش ؟؟
سلامه : السبب الفران اللى جنب بيتنا
أنا : يا عيني
سلامه : بيبيع الدقيق ومش بيعمل عيش كفاية
أنا : دا انت جبت الي مجبهوش عادل امام يا راجل
سلامه : والله يا احمد ان بناشد المسؤلين يرحموا الناس شوية هنلاقيها منين ولا منين
أنا : ماشي ماشي ابقى ناشد بعد الحلقه
أنا : طيب سؤال آخر نطرحه على الاستاذ سلامه في برنامجنا " يوميات مواطن مصري مطحون " ونقووووووووول :
أنا : لماذا الفران الي جنب بيتكم مش بيعمل عيش كفايه ؟؟
أنا : هل دا ممكن نعتبره سوء استخدام للدقيق ؟؟
سلامه : بعيد عنك
سلامه : مافيش رقابة من الحكومة على الفران
انا : انا مكملتش السؤال يا كابتن
سلامه : المفروض يوقفوا غفير جنب الفران وهو بيعمل العيش علشان يتأكدوا من جودة المنتج المحلى
أنا :اهدى شويه يا عم الحج انت بالع شريط لشعبان عبدالرحيم ولا ايه
سلامه : المفروض يوقفوا غفير جنب الفران وهو بيعمل العيش علشان يتأكدوا من جودة المنتج المحلى - بصوت مرتفع وحماس زائد حبتين -
أنا : خلاص فهمنا اهدى شويه بقى
سلامه : معلش يا احمد انفعلت شويه
سلامه : من خنقتى وقرفي والله
أنا : طيب عقابا لك هنعيد السؤال من تاني من الاول
أنا : الحته دي هتتقص
أنا : تري
أنا : توو
أنا : ون
أنا : ليه الفران الي جنب بيتكم مش بيعمل عيش كفايه ؟؟
أنا : هل هذا سوء استخدام لدقيق الحكومه ؟
أنا : ام تسيب واهمال من الكابتن مبارك واولاده ؟؟
أنا : ام وام وأم ؟؟
أنا : رد بقى
سلامه : ياعم حكومة ايه
أنا : هتقولي دا الحكومه زي الفل
أنا : مفهاش حاجه
أنا : على رأي الكاتب والمفكر الكبير عادل امام
سلامه : ده الواد شلاته الفران بيجيب الدقيق على حسابه ويخلط عليه حاجات تانية كتييييييييييييييييييير اوووووووووووووووى
سلامه : وبعدين بيعمل عيش غريب عشان نحلف عليه طبعا ... وبيكتب عليه غير صالح للإستعمال الآدمي
سلامه : عمرك يا احمد شفت عيش بيتقطع بالفاس
أنا : بالفاس يا مفتري
سلامه : دى الناس بتبقى واقفه على الفرن ولا اللى بيقدموا لوظيفة
سلامه : وبعد شويه تلاقي البكس بيجي يلمهم ويديهم وظايف ابديه
سلامه : الناس مبسوطة بيه اوووووووووووووووووووووووى بس هو فين
سلامه : وانا من مكانى احب اشكر السيد الرئيس اللى اثبت ذكاؤه ولهى الناس فى العيش
لحد ما الناس بقت ماشيه على مثل عيش على أدك وكل الي في يدك
ولو جعت ميمنعش تاكل يدك بالمره يعني
سلامه : بردوا احسن مايتكلموا فى السياسة يتكلموا فى العيش
أنا : امال يسيبوا الطفح ويمسكوا في ديل الراجل
سلامه : ممكن اسمع فى آخر البرنامج اغنية الدنيا حلوة واهديها للاستاذ علاء واخوه جمال وللواد شلاته
سلامه : يمكن البه يحن عليا ويمشينى بدرى
أنا : طبعا بس ايه رأيك نسمعها في السكه واحنا رايحين عالسجن
أنا : دول يا راجل جايبنلنا بوكس مخصوص
سلامه : ولا يهمك السجن للجدعان
أنا : بس هتطلع قفاك وارمه
أنا : انا حذرتك يا خويا
سلامه : وبعدين طول ما احنا بعاد عن الواد شلاته والعيش بتاعه احنا ف امان
أنا : يلا بقى نختم يا سلامه
أنا : كان معكم مواطن مطحون ومذيع ربنا يتولاه برحمته في برنامجكم المعفن " يوميات مواطن مصري مطحون "
أنا : نلقاكم في حلقة اخرى خلف القضبان
الودااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااع
