صباح الخير اعزائي المستمعين.....شــــادي من سماء جمهورية مصر العربية من هليوكبتر قناة ع.ع.ع ، الجو جمييييل والشمس طالعة ونبتدى برنامج سوق علي مهلك سوق واليكم التقرير:-
-لو ساعتك ماشي علي الرصيف انصحك تنزل وامشي في وسط الشارع لان طبعا للي انا شايفه دلوقتي علي طريق (........) في اتوبيس سياحي مصمم انه يطلع فوق الرصيف عشان يروح للاتجاه التاني وده لان ساعته مش صابر علي انه يوصل للفتحة اللي قدام شوية و بكده وقف الطريق اكتر ما هو واقف واحب ابشر السادة السائقين اللي سامعيني دلوقتي واللي سايقين علي الطريق ده ان الزحمة ممتدة لـــ 2 كيلو متر قدام انا بقترح انهم يخدولهم تعسيلة او يشتروا الجرنان من الواد اللي بيبع تحت ده.....(الاقعدة لسه هتطول)
***
-علي السادة المشاه اللي بيعدوا طريق(....) واللي متعارف علي انه اتجاه واحد يبصوا في الناحيتين وهما بيعدوا لأني شايف عربيه نص نقل بيضا ماشية في الاتجاه العكسي عشان فاضي شوية عن الاتجاه التاني.....ايه ده في عربيه كمان مشيت في الاتجاه العكسي.......بصوا ما تعدوش خليكوا الناحية التانية حفاظا علي سلامة المواطنين........
-علي جميع السائقين اللي علي طريق(.....) اللي مفروض انه سريع يركزو علي السواقة كويس وما يستغربوش من اللي هيشوفوه علي الطريق ده وطبعا النصيحة دي للي بيسوقوا اول مره علي هذا الطريق ....واحب احذركم اني انا شايف دلوقتي حمارين (جحش صغير ومامته) ماشين بيعدوا الطريق السريع بالوارب واحب افرحكوا ان مفيش حد سايق (هما عارفين السكه كويس).......اخ وايه ده كمان ..خلوا بالكو اعزائي السائقين علي الطريق المذكور انا شايف من بعيد جيش من الخرفان ماشى على الطريق وبالكاد سايبين حته لعربية واحدة تعدى ده غير ان في خروف عبيط مبتعد عن السيرب اوعوا تدوسوه والا ليلتكوا......من صاحب الخيرفان، ده اقله فس الكاوتش....
***
-وبتغييير طريق المروحية احنا دلوقتي طايرين فوق شارع(........) ....اووووه.....الظاهر ان في حاجة ضربت في المجارى وفي حوفر ملو الشارع شكلها لسه جديدة وعلي اعزائي السائقين يشوفولهم طريق تاني يمشوا فيه الشارع كله حفر والناس ماشية فوق الواح خشب.................
-(طير يا مرتضي علي حتة تانية انا زهقت مفيش طريق عدل علي الصبح)....ايه ده.....انا اسف اعزائي المستمعين ده خطأ في الارسال...سامحوني ، احنا دلوقتي فوق طريق(...........).....يا لهوى .....ايه ده كولو ايه ده كولو الظاهر ان في ماتش كوره ولا ايه النهارده انا شايف مشجعى الفريقين عاملين زمبليطه وقافلين الشارع وخناق للصبح ........والطريق واقف بشكل رهيب برضه سيبكوا من الطريق ده .........
بووووووووووم ....فرووووووووم...فوم فوم ......باااااام.....طشششششششششش� �شششش
-كمان هي ناقصة ...وفي تلك الامطار الدنيا بقت زحاليق والميه للركب والناس بتشمر والعربيات بقت سوده من كتر الطينة وكمان فيه عربيات بطلت.......يا ريت يا جماعة نسوق بالراحة ونستحمل بعض شوية.....يخرب........فيه سواق سايق بسرعة جنونية محدش غيرك يعنى عنده عربيه فور باى فور واديه طرطش علي اللي حواليه طين للصبح قال هى ناقصاه.................فوزي انا زهقت يا فوزى وأديني علي الهوا اهو بقول انا مستقيييييييييل وعلي ايه حرقت الدم دى......ارجع يا مرتضي علي المحطة..
- مرتضي: نأسف اعزائى المستمعين عن هذا العطل الفنى و....
- بس يا مرتضي احسن لك بلا اعزااااائى بلا نيله ارجع.. بقولك ارجع
= حاسب حاسب هانقع الدنيا بتمطر والطيارة مش ناقصه
بك..بك ...بك .......باااااااك باااك بااااك ......وييييييييييييييييييييي ........بووووووووووووو ووم
ودي نهاية برنامج سوق علي مهلك سوق...........
