شخصيتك من عربيتك ...... يا مانو يا حكيم
طيب .. من ناتج خبره سابقه ..
اقدر اقولكم يارجاله من الاخر ازاي تعرف صفات الشاب من العربيه اللي معاه
شوفو ازاي ,...
----------
نوع السياره .............> صفات الشاب
كابرس .............> واد جامد وعصبي وغالبا من مناطق شعبيه بس معاه فلوس .. ميحبش اللوع
كاراسيدا .............> شاب ولا مؤاخذه اهبل حبتين .. بس دمه خفيف ومرح
ماذدا .............> وده دايما تلاقيه يركن جمب الشجر .. علي اساس انه معاه بقره راكبها
جولف .............> مليان ودبدوب وبيحب يقرا جرايد كتير
باسات .............> محدش يقدر يتكلم . شاب خطر . اوعي تلعب معاه
بورا .............> لا فكك بيلم حق البنزين بالعافيه ومدمن قهاوي وسط البلد
ماكسيماا .............> مجنون سرعه .. وعلي الاقل له حادثه في الشهر ..رجله تقيله عالبنزين
هوندا اكورد .............> شاب عايش في وهم ان العربيه ملاكي مش ميكروباص
بي ام دابليو .............> وشك .. شاب كفائه .. مين قده
كاديلاك .............> الشاب قاهر المطبات ... واد لون واستاذ تظبيط بنات من الشوارع
بيوك .............> ادي عيبه ,, شاب بكرش كبير خالص
هوندا سيفك .............> دايما تلاقيها منطقه حره بورسعيد .. شاب بيموت في تلميع العربيه وسواقته علي قده
تويوتا كورولا .............> شاب اكبر حاجه فيه راسه .. ومع ذلك مش بيستخدمه
زد .............> شاب مسجل خطر .. ربنا يكون فيعونه عند كل كمين ..
جاجوار.............> اللي يغيظك انه يقنعك انه بيفهم ...
بيجوو .............> معندوش وقت .. دايما مستعجل ..
أودي .............> شكله شخصية و ثقيل بس إذا تكلم بانت لبته علي طول
كرايسلر .............> شاب انتهازي .. علي ضمانتي
كابرس أس أس .............> شاب بيسكور علي طول ودمه خفيف وبتاع قعدات حلوه .. المحشيشين هيفهموني
جيب شروكي .............> شاب مجنون بالرغي في الموبايل وعايش دور ابن بطوطه علي طول
هونداي ...........> بأمانه الله .. مزعج .. كميه سماعات في العربيه تهد الارض
ميكروباص ...........> لو خايف علي نفسك متحولش تصححله فكرته عن السواقه في شوارع مصر
تاكسي ...........> هيموت ويركب الزبون .. حتي ولو خبطه ..
مفيش عربية.........> شاب قمور وعسل وزي الفل وبيحب المشي .. زيي كده
اي خدمه يا قمامير ومشكورين علي الردود اة يعنى هتردو يعنى هتردو ما انا رخم بقى انتو نسيتو ولا اية؟؟؟
تحياتي ...
