ازيكم يا عثاثيل
اخباركم اهرامكم وجرايد كلها عامله ايه
يارب تكونو مزقططين وكويسين
المهم ندخل بالموضوع
هل بقينا بزمن تطبق فيه مقوله احنا بنشتري راجل ؟؟؟؟؟؟؟؟؟؟؟
بمعنى اكتر هل دلوقت الجواز بالزمن ده بقت البنت بتشتري العريس ؟
امس بقعده بنتاتيت طبعا عارفين اننا بنحب الرغي والنم http://haridy.com/ib/images/smilies/whistling.gif http://haridy.com/ib/images/smilies/whistling.gif
قعدنا شله بنات مع بعض بنشوف كل واحده حصل ايه بحياتها طبعا انا مش هجيب سيره نفسي خالص هحكيلكم الكلام اللي ثارني وخلاني اكتب الموضوع ده
مجموعه بنات قاعده مع بعضها سوزان وزينب ومايسه ومحسوبتكم
سوزان : تصوروا اخويه عاوز يتجوز بابا نقاله بنت واحد صاحبه كان ضابط زي بابا وسافر امريكا وبنته استايل وبتشتغل بمدرسه اجنبيه خاصه ((مش هقول اسمها عشان متقطعوش على البونيهhttp://haridy.com/ib/images/smilies/image5.gif http://haridy.com/ib/images/smilies/image5.gif )) وبتقبض خمسه الاف جنيه وعندها عربيه كيا ونظام مامي وبابي وكده
مايسه :اخوكي امور ويستاهل
سوزان : ده مرضيش اصلها مش حلوه شكلا وشعرها باين وبابا قعد يخانقه وقاله ياابني فلوسها تحليها ايه يعني وحشه وايه يعني تناكه الدنيا فيها ده انا خرجت مع ابوها واضطريت اصرف نص مرتبي عشان اعمل معاه شوبنج واحسسه اننا قده انت عبيط واللا ايه وبابا قاله هتاخدها غصب عنك
محسوبتكم : ليه ياسوزان باباكي هيجوزه البنت عشان فلوسها (((سذاجه)))http://haridy.com/ib/images/smilies/kap.gif http://haridy.com/ib/images/smilies/kap.gif
مايسه: اسكتي ياخايبه البنات دلوقت بتشتري العريس انا اعرف واحده خاطبه بتجيب العريس للبنت من دول بتاخد الف جنيه اول ماتتم الخطوبه والف زيها بعد كتب الكتاب والله
محسوبتكم تنحت وبان عليها الاندهاش والهبلhttp://haridy.com/ib/images/smilies/on_the_quiet.gif
زينب : اسكتوا سيبكم من موضوع اخو سوزان ده وقولولي اعمل ايه خطيب اختي بعد مااتفقوا على كل شئ ووزعنا كروت الفرح واختي كعت دم قلبها بالقاعه والشقه والمكتب اللي عملتهوله بيقولها لازم تستمري بشغلك بعد الجواز ومتطلبيش مني تمن صباع روج
محسوبتكم ((اللي مش عايشه بالعالم)): ايه اختك اللي جابتله كله ده ؟ ياحرام تلاقيه مبيشتغلش ماهو معذور يقولها تستمر بالشغل او تلاقي مرتبه تعبان
لقيت سوزان وزينب ومايسه بيضحكوا
زينب: ياعبيطه ده ضابط وبيقبض قرب الالف جنيه (0فنيه عسكريه يابنتي فوقي)
بس هوه بيحب يهتم بمظهره وبرستيجه وبيصرف الفلوس بتاعه المرتب كلها على لبسه ومظهره وعاوزها تتكفل بمصاريف نفسها
وزادت علامات البله عليه
البنات قعدت تضحك عليه ويقولوللي بقا حواديت تانيه عن زيجات كتير بالشكل ده
مش عاوزه ادوشكم بالحواديت ديه
مش قادره اوصفلكم مدى الالم اللي شعرت بيه من هذه الجلسه
للدرجه ديه وصل بينا الحال؟؟؟؟؟
اي نعم الرسول عليه افضل الصلاه والسلام قال تنكح المرا لمالها وحسبها ونسبها فاظفر بذات الدين تربت يداك
انا مش معترضه ان الست تشتغل وتساند الراجل لان ظروف الحياه دلوقت تتطلب كده
لكن سؤالي للبنات هو :هل ترضي انك تكوني زي فلانه اهلك يدفعولك فلوس علشان تتجوزي؟ وهل ترضي ان الحياه بينك وبين شريك حياتك تكون شركه وعمليه تجاريه بحته مفيش مشاعر بينكم والموضوع يكون محسوب بقلمه وورق انتي عليكي اه وهو عليه ايه وتقبلي انه يكون شرط للجواز انك تشتغلي او يكون ليكي ايراد او دخل شهري ؟؟؟؟
والسؤال الاهم للرجاله : هل تقبل تكون زي الاخ الضابط ده؟ وهل شرطك بالزواج انها يكون ليها دخل؟ وهل اهم شئ بشريكه حياتك المال ؟ ولو الرد اه هل هتكون راضي عن حياتك ؟
ياجماعه هتفرس كنا زمان نسمع مقوله ابو العروسه للعريس بعد مايتفقوا على كل التفاصيل احنا بنشتري راجل بمعنى انهم قبلوه بعيلتهم دلوقت الكلمه ديه بقت بجد واللا ايه الحكايه http://haridy.com/ib/images/smilies/dntknw.gif http://haridy.com/ib/images/smilies/dntknw.gif
