يا ترى ايه اول حاجه بتيجى ف بالك لما بتسمع كلمه دفء؟
حضن ماما؟لمه صحاب؟؟جايز لمه العيله؟؟السرير و البطانيه؟؟
اكله حلوه ترم عضمك(ياطفس http://haridy.com/ib/images/smilies/beee.gif)؟؟بصه ف عينين حبيبك؟؟يمكن كوبايه شاى و لا ماج نسكافيه و لا هوت تشوكوليت على مزاجك؟؟؟
المهم احساسك بالدفء بيخليك تحس بايه
ايا كان المحفز للشعور ده00بتحس ان قلبك انشرح و انبسطت؟؟
بتحس كده بسكينه (مش سلاح ابيض http://haridy.com/ib/images/smilies/budo.gif) شملتك و طمانينه ضمتك؟
فى عالم بارد حسيا و فعليا
التلوث و ثقب الاوزون خلى فعلا درجات الحراره تنخفض قوى ف الشتا و ترتفع قوى ف الصيف خلانا ساعات نقول برررررررررررررد
و نجرى نلبس روب تقيل او نصرخ هاتولى بطانيه زياده اونفتح الدفايه او او او
سرعه رتم الحياه و الاعباء و المشاكل و اشاعه رفع الدعم http://haridy.com/ib/images/smilies/wink2.gifخلانا نتجذب فى دوامه ننسى معاها ازاى نحس و نحسس الناس اللى يهمونا بالدفء خلانا منغمسين ف الماديات
حد فاكر حضن اهله امتى جامد لمجرد احساس الدفء ده؟؟حد اخد ابنه ف حضنه و هوا راجع بعد يوم طويل من الشغل ؟؟ (مش عاوزين نصب انت اللى تكون رحت تحضنه مش هوا اللى جرى اترمى ف حضنك املا فى اى حته شيكولاته وطبعا سعادتك هتكون اكلتها بالهنا والشفا http://haridy.com/ib/images/smilies/w00t.gif) حدحضن واحد صاحبه حكاله مشاكله و كان عاوز يقول له انا معاك وجنبك؟
مين فينا بيعرف يعبر عن اللى جواه ويوصل الدفء لمستحقيه؟؟؟
بعترف انى فاشله قوى ف النقطه ديه و دايما اقول بالافعال مش بالاقوال انما مش دايما رايى صح
ليه ميكونش الاتنين؟المهم نقدر نوصل احساسنا بصدق و بصراحه
عارفين فيه ناس كده قلوبها قلوب دافيه زى ميكون جواهم شمس قطاع خاص بيشرقوا على حياتنا واذا بالدفء يعم قلوب اللى حواليهم http://haridy.com/ib/images/smilies/wub.gif
ربنا سبحانه وتعالى فعلا رزقنى بوجود ناس من النوع ده ف حياتى (و ابتلانى بتلاجات 77 قدم برضه) وعاوزه اقول لهم بجد ميكفيكوش الثناء او الشكر اللى ف الدنيا كله انما اكيد جزاكم عند الله سبحانه و تعالى كبيييير يا شموس الدنيا
