تاك نيلة فيك و فـ خيبتك

مع الشلة http://haridy.com/ib/images/smilies/999.gif

و الاصحاب

الاوغاد



و انا قاعده فــ قعدة

أو واقفه فـ وقفة http://haridy.com/ib/images/smilies/ura1.gif

أو نايمه فــ نومة حتى http://haridy.com/ib/images/smilies/heat.gif



و بيحصل حوار

أو مناقشة

أو حتى موقف





و بالرغم من انى معروفه وسط الشلة ان ودانى كبيرة http://haridy.com/ib/images/smilies/pleasantry.gif - مش ارنب يعنى - http://haridy.com/ib/images/smilies/image5.gif

لا ده عشان بسمع اكتر ما بتكلم .. مش بزهق من السمع

و اى حد محتاج يفضفض أو يتكلم و يرغى بيجيلى على طول

مش عارفه ليه .. بس جايز عشان مش بصدر أحكام أو اتنرفز على حد بسرعة لو جه يحكيلى سر او كده

مش عارفه http://haridy.com/ib/images/smilies/dntknw.gif

المهم ان ساعات بقى .. مبقدرش امسك نفسى http://haridy.com/ib/images/smilies/diablo2.gif

بيتقال حاجة .. او يحصل حاجة تنرفزنى تعصبنى

أبقى شايفه العفاريت كده و هيا بتتنطط قدام منىhttp://haridy.com/ib/images/smilies/diablo2.gif

غصب عنى بلاقى أقل رد طلع منى هو

تــاك نيلة فيكي و فــ خيبتك

بجد مبعرفش اقول غيرها

لحد ما بقت لازمة فى بقى

كل ما يحصل حاجة او اسمع حاجة متعجبنيش اقولها على طول





صاحبتى الانتيخ http://haridy.com/ib/images/smilies/friends.gif .. اتصلت و قالتلى بتعملي ايه

قلتلها ولا حاجة ... لسه صاحىه م النوم و هائمه على وجهى http://haridy.com/ib/images/smilies/hlp.gif

قالتلى طب انا جايالك

قلتلها تشرفي و تآنسي و تنوري

قالتلى طيب

قلتلها ايه مالك فى حاجة ولا ايه http://haridy.com/ib/images/smilies/thnk0001.gif

قالتلى اه اتخانقت مع امى

قلتلها ليه كده بس

قالتلى اما اجى هحكيلك

قلتلها طيب

و لما جت.. و بعد ما هدىت شوية .. قلتلها ايه الحكاية بقى

قالتلى امى اتخانقت معاها و زعقت فى وشها http://haridy.com/ib/images/smilies/diablo2.gif قعدت تعيط http://haridy.com/ib/images/smilies/cry2.gif رحت رازعه الباب و نازله

بصراحة ساعتها .. لاقيت ودانى صغرت و اضيقّت مرة واحدة http://haridy.com/ib/images/smilies/diablo2.gif

قلتلها نهارك مش فايت http://haridy.com/ib/images/smilies/out.gif

قالتلى اسمعي بس بقيت الحكاية

قلتلها اسمع ايه و زفت ايه

حد يعمل كده فـ أمه يالا http://haridy.com/ib/images/smilies/kez_03.gif

هو انتي كولك على بعضك كده تسوى حاجة فى الارض من غير رضا امك عليكي



تــاك نيـــلة فيكي و فــ خيبتك







يوم تانى ..

مع أوغاد تانيين ..http://haridy.com/ib/images/smilies/friends.gif

كنا واقفين فى الحديقة .. و واحده جاىه فرحانه اوى و مبسوطه و سعيده http://haridy.com/ib/images/smilies/yahoo.gif

و بيتقولنا سمعتوا شريط ( حماقى ) الجديد ؟؟ ؟؟؟ http://haridy.com/ib/images/smilies/w00t.gif

توووحفة .. رهيييب .. خطير ... وهم يا جدعان http://haridy.com/ib/images/smilies/999.gif

قلتلها يا شيخه.. سمعينى كده http://haridy.com/ib/images/smilies/thnk0001.gif


و معلش رأى شخصى مقصدش ازعل بيه حد

ايه حمائى ده يا جدعااااااااان http://haridy.com/ib/images/smilies/11azy.gif

و الله ولا صوت و لا صورة ولا أى حاجة خالص

و عليه ( يانا يانتااااااه ) تهد جبال http://haridy.com/ib/images/smilies/hlp.gif .. نانسى عقرم نفسها متعرفش تقولها

شلت السماعات من ودنى http://haridy.com/ib/images/smilies/diablo2.gif .. و اديت الام بى ثرى للبت و قلتلها

تــاك نيلة فيكي و فــ خيبتــك






القعدة الجد بقه

قعدة سياسية

و كله يحاسب و يوسع كلام مهم بيتقال و حاجة عظمة يعنى http://haridy.com/ib/images/smilies/gun.gif

تطلعلى واحده تقوللى : يعنى شوفي ولاد الـ ( تيـــــت http://haridy.com/ib/images/smilies/pleasantry.gif ) بيصرفوا كام على حتة تمثال لا راح و لا جه

و الناس مش لاقية تاكل

بلد بنت ( تيــــــت ) صحيح


( تيــــــت ) طبعا معناها ان البت شتمت بس انا حطيت تيـــت مكانها عشان الرقابة بس

المهم البت راحت مكمله كلامها : احسن حاجة الواحد يهج من ام البلد دى

و يعيش فى بلد نضيفة بقى .... فى اوروبا ولا حاجة ... البلاد اللى فيها شباب اموره دى http://haridy.com/ib/images/smilies/yahoo.gif

و يرتاح من القرف ده كله

قلتلها طب ده مش يبقى اسمه هروب يا جمر

قالتلى يا ختي هروب هروب بلا خاوتة

قلتلها طب تخيلي كده ان الكام مليون بني ادم وبني ادمه اللى فى البلد بيفكروا زى حضرتك كده http://haridy.com/ib/images/smilies/cry.gif

البلد حيبقى حالها ايه حضرتك

راحت ضحكت ضحكة هعهعهعهع http://haridy.com/ib/images/smilies/image5.gif ..

و قالت : هتبقى خرابة ... هعهعهعهع


http://haridy.com/ib/images/smilies/thnk0001.gif




تـــاك نيلة فيكي و فــ خيبتك




رفيقتى فى الدراسة بقى ..

كنا فى العربية و بسألها سؤال جه على بالى فجأة كده

- بقولك ايه يا بت http://haridy.com/ib/images/smilies/999.gif

- نعمين يا حوووبى http://haridy.com/ib/images/smilies/friends.gif

- فكرينى كده تانى معلش ....... انت سقطتي ليه السنة دى ؟؟

- مكنتش بذاكر يا شيؤووووز http://haridy.com/ib/images/smilies/image5.gif

- ممممممم .. و مكتشي بتذاكري ليه ؟ http://haridy.com/ib/images/smilies/nunu0000.gif

- معرفش

- طب انتي حابه الكلية اللى انتي فيها و حابه المجال بتاعها ؟

- معرفش

- طب انت دخلتي على اساس ايه ؟

- معرفش

- طب بلاش دول .... نفسك تشتغلي ايه اما تتخرج ؟؟؟

- مش عارفه

- طيب انتي عارفه ايه و انا اسألك فيه أساسا ؟؟ http://haridy.com/ib/images/smilies/pleasantry.gif

- اى دونت نووووو هعهع http://haridy.com/ib/images/smilies/image5.gif

- طيب

http://haridy.com/ib/images/smilies/thnk0001.gif



تــاك نيلة فيكي و فــ خيبتــك






صاحبت صاحبتى بقه http://haridy.com/ib/images/smilies/friends.gif

دمها خفيف مووووت و بتحب الضحك http://haridy.com/ib/images/smilies/yahoo.gif

عليها ضحكة عفاريت من اللى هيا .. و خصوصا انه ما شاء الله طول بعرض .. . شحطه يعنى

كنا قاعدين قعدة لطيفة و لقيتها ضحكا الضحكة اياها

نياااااهاهاهاها

قلتلها خير متضحيكنا معاكي يا بت

قاتللى امبارح و انا بكلم اخت صحبي فى التليفون ....

قلتلها لحظة بس معلش مسمعتش كويس http://haridy.com/ib/images/smilies/snoozer_05.gif

أخت صحبك ؟؟؟ http://haridy.com/ib/images/smilies/pleasantry.gif

قالتلى اه أخت صحبي http://haridy.com/ib/images/smilies/2.gif

و راحت مكمله القصة الطريفة .. بس مسمعتش منها حاجة

و سرحت شوية بعقلى كده ...

سرحت لانى اتكسفت اقولها تـــاك نيلة فيكي و فــ خيبتك لانها مش صحبتى .. دي صاحبت صحبتى

و قلت فى بالى هو فى بت تقول صحبي http://haridy.com/ib/images/smilies/pleasantry.gif

داا ايه الخيابة دى ؟؟؟



http://haridy.com/ib/images/smilies/11azy.gif

تـــاك نيلة فيكي و فـــ خيبتك يا بعيده




بس http://haridy.com/ib/images/smilies/...ones_nose2.gif

و بعد ما كتبت الموضوع ده سرحت بردو شوية http://haridy.com/ib/images/smilies/thnk0001.gif

و قلت فى بالى

ايه اللى انا كتبته ده http://haridy.com/ib/images/smilies/dntknw.gif

هو انا مصاحبه الناس دى ليه http://haridy.com/ib/images/smilies/thnk0001.gif

و مصاحبهم ازاى ؟؟؟ http://haridy.com/ib/images/smilies/dntknw.gif

جاتنى نيلة فيا و فــ خيبتــــى

سلام بقى http://haridy.com/ib/images/smilies/2.gif