ارجوكم ساعدونى

معلش هو موضوع طويل بس ارجو القراءة للنهايه انا فى الفرقه الاولى اتعرفت فى اول السنه على بنت وكنا اصحاب وزمايل فى الكليه دة من وجهه نظرى انما هى كانت بتفكر تفكير تانى وكانت رسمه على ارتباط وكدة المهم عملت حكايه عشان توصلى انها بتحبنى وانا اقولها انا كمان انما انا عمرى ما قولتلها بحبك لانها من الصعب تطلع منى بعد ما انجرحت قبل كدة المهم هى كانت بتمشى مع صحبه ليها هى صحابها ياما انما صحبتها دى هى اللى لفتت نظرى اوى ولما بعدت عنها مدة لان اخلاقهم مش واحدة انا طبعا بقيت بسالها عنها والمهم كل ما اسالها عنها تشوه صورتها ادامى وكانت مديانى عنها فكرة وحشه اوى المهم انا طبعا بعدت عنها لانها انطوائيه ومبتحبش الناس زى ما صحبتها كانت مفهمانى كدة المهم جينا فى امتحانات الترم الاول اتفجئت بيها تالت يوم الامتحانات بتتكلم معايا وعادى خالص طبعا انا فرحت جدا جدا المهم مع الايام اخدنا على بعض وهزار وكدة لما صرحتها بحبى قالتلى مينفعش رغم ان تصرفتها معايا هى اللى شجعتنى اصارحها بحبى ليها ياترى هى رفضت عشان تشوفنى لسه بحب صحبتها ولا لا ولا عشان ايه ؟؟؟؟؟؟؟؟؟ارجو منكم الردود

اولا صباح الخير عليك ونورتني
ثانيا موضوعك غريب شوية وتقريبا انا مافهمتوش اوي
وعايزة اعرف انت كنت بتحب مين في الاول وضح اكتر لانك كنت ماشي صح وفجاءه توهتني سوري

انا مكنتش بحب حد فيهم الاول بس اللى عرفتها الاولانيه كانت بتحبنى جدا بس انا عمرى ما حبتها لان مينفعش لانها مش اللى انا عايزها بس هى عملت حكايه عشان توصلى انها بتحبنى المهم انا محطش فى دماغى وعادى هى كانت مفهمه صحابها كلهم انى بحبها . فكان ليها صحبه زى القمر وكنت كل ما اشوفها افرح اوى كل ما اسالها عنها تقولى انها مش تمام يعنى وكدة ومبتحبش الناس عشان كدة انا بعدت عنها انا طبعا مش مصدق لانها مؤدبه جدا ومحترمه فجينا قعدنا مع بعض مرة احنا التلاته وهزرنا وضحكنا وساعتها اتاكدت انها بتكدب عليا عشان تبعدنى عنها المهم بقينا صحاب اوى انا واللى كنت بحبها فلما جيت صرحتها قالتلى مينفعش فهى عملت كدة عشان صحبتها ولا ايه .اة انا لما جيت اقرب لديه الاولانيه لمحتلى على تلميحات ارتباط وساعتها قولتلها خلينا اخوات وزمايل احسن .فايه سبب رفضها

هذه البنت تحب تتسلى 000 ننصحك بالابتعاد عنها

الحكايه واضحه .... لعب بنات ويا ليت ماتوجه مشاعرك إلا لانسانه متأكد من حبها لك ولازم تتعلم من هذا الموقف ..
اتمنى لك النجاح في قصه حب اخرى..

يبقى اكيد عشان صاحبتها اللي هي بتحبك قالت ليها انك بتبادلها نفس الشعور عشان كد افتكرت انك كنت بتتسلى بصحبتها ولما زهقت منها رفضت حبك ليها هو ممكن يكون في حل انك تكون مع الاتنين لو انت حبيتها بجد تواجه الاولى ان كان في حاجة بينك وبينها وتكون اللي انت حبيتها موجودة لو قالت اه تبقى تحلفها ساعتها بقى هي وضميرها ومش تصعب عليك طالما عملت كده من الاول ونشرت الحكاية وهي مش حقيقية تبقى تتحمل اللي عملته بس لازم تواجه وماتتنازلش عن حقك الحب مش بالعافية اما لو كانت رافضة شخصياً دي بقى حاجة تانية يمكن ليها تفكير تاني من ناحية الحب او اي شئ بس انت كنت استفسرت يارب يكونلك الخير تحياتي ليك

طيب يا مصطفى اسمع
أولا كلامك على البنت الاولانية مش تمام
يعني ايه مش هي البنت الي عايزها
ماعلينا
لو بجد حاسس انك ميال لصاحبتها ومتأكد من حبها ليك
رغم انها رفضت
يبق لازم تحطهم هما الاتنين قدام بعض
والصراحة راحة
ومهما كان محدش بيرضى على نفسه انه يمسك في حد
بالعافية
بس الأهم يكون الكلام في حضوهم هما الاثنين

مش عارف بصراح

مش عارف ارد والله