تعالو ناخد بايد بعض ونحفظ القرآن
السلام عليكم ورحمه الله وبركاته
اخواني واخواتي........
تيجي نحط ايدينا في ايدين بعض ونبدأ بحفظ القرآن....
لا تقل فات الأوان او مش عندي وقت او هو انا فاضي ده اليوم بيعدي كده؟؟؟
او انا كبرت والذاكره مش ولا بد او كفايه عليا قل هو الله احد مع الفاتحه في الصلاه!!!
او معرفش احكام التلاوه... او..او ...او
الأعذار كثيره والشيطان حولنا في كل مكان سواء في التلفزيون او الكاسيت او الدش او النت
مليون عذر يساوي مش عندي وقت
علي فكره مش عذر ان التربيه الأسلاميه لا تضاف للمجموع
لو بايدينا حنضيفها علشان نهتم بديننا من صغرنا
الفكره كانت عندي العام الماضي ولكن مرت الأيام وهبطت
وكل يوك اقول بكره ويعدي للأسف زي اي يوم
الصلوات الخمس مع ركعتي قيام الليل مع قراءه بعض السور
لكن خلاص نويت ان شاء الله وعهدت ربي ا ابدأ بحفظ القرآن
كنت اتمني ابدأه في اخر يوم في الشهر العربي الماضي
لما عرفت ان اعمالنا ترفع اخر كل شهر عربي وياريت نكون صايمين
ساعتها تمنيت ونويت ان ابدأ في ربيع التاني
حتي يكون من ضمن اعمالي حفظ بعض السور
عايزين لما ندخل الجنه نكون مستعدين لتلاوه آياتها لنصل الي ارقي درجاتها
ده سباق لكن جوايزه مش عندي لكن عند الرحمن
تعالو نتفق نبدأ بجزء عم من الأخر مع البحث عن معني السور
بعد كل صلاه نحفظ كام ايه علي حسب مقدرتنا علي اخر اليوم
اقرأ اللي حفظته في صلاة العشاء
عدم الكسل (الحفظ بعد كل صلاه كل يوم خمس دقايق علي الأقل)
حندخل كل يوم بليل ان شاء الله ونسجل احنا حفظنا ايه
انا حبتدي النهارده الجمعه
وان شاء الله الجمعه القادمه نجمع كل واحد فينا حفظ ايه
ممكن واحد فينا يكون حافظ يدخل معانا السباق ويراجع وبذلك يشجعنا ملكه الحفظ عندنا
وان شاء الله كل مانحفظ تقوي ملكه الحفظ عندنا وييجي اليوم اللي نحفظ فيه سوره البقره كامله
عذرا للأطاله لكن انا بتكلم مع اخواتي كلام طالع من القلب
يللا ناخد بايد بعض
