أنت مين ؟ أنت فين ؟ من اللى بتحبه !
السلام عليكم ورحمة الله وبركاته
موضوعنا النهارده حاولت اضع ليه عنوان مناسب مالقتش غير العنوان ده :
( أنت مين ؟ أنت فين ؟ من اللى بتحبه ! )
فى بداية أرتباطنا وحياتنا مع اللى بنحبه بنعيش أجمل أيام حياتنا بنعيش قصة حب بشكل واحساس تانى
بنشوف ونلمس حاجات مكنتش دايما فى حياتنا بتحيا وتصحى جوانا حاجات كنا شايفين انها انتهت فى حياتنا
ده لمجرد اننا حبينا وارتبطنا بحد شوفناه هو كل الحياه
لما تحب وتحس ان اللى حبيته ده الأمل الوحيد اللى باقى ليك وانه الشمس والقمر ليك اللى بينورلك طريقك ومشوارك
وعندك استعداد انه تواجه وتقابل مهما تقابل وتتحدى الظروف وتنسى الماضى عشان تقدر تعيش النهارده واللى جاى فى
سبيل اللى بتحبه وتفضل على وعدك وعهدك معاه
لما اللى بتحبه ده عمل ليك حاجات انت متخيلتهاش لما عاش جنبك بكل مافيه لما وهب ليك ولما ضحى عشانك
هو ده الحب وهوه ده التبادل هو ده الوفاء وهو ده الأخلاص بين الطرفين بس المهم بعد اى مشكله بتحصل بننسى ليه
كل اللى فات مبنفكرش فى اعذار أو أسباب مفيش حتى تسامح كل ده بيخلينا نقول :
أنت مين ؟ أنت فين ؟ من اللى بتحبه !
تقدر تقول زى مانت عايز وتحكى
لما حبيبك يغيب عن عيونك وانت متعرفش ايه سبب غيابه
لما تحس انه مشاعره بتتغير وان فى حاجه فى حياته جارحاه ومش قادر يقولك عليها
لما يتكم جواه اسرار حياته ده بس عشان موش عايزاك تشيل همه
لما يكون بيفكر انه يبعد عنك عشان ميربطكش بحلم ممكن مايتحققش
لما تحب ويحبك وفجأة تلاقى البعد جدار بينك وبينه غياب بيطول بالشهور
طبعا فى مناقشات كتير فى الموضوع ده وأسئله كتيره جدا مالهاش حصر
بس حبيت أكتب أمثله نتكلم عنها والكلام هيجيب بعضه زى مابيقولوا
محتاجين نتكلم أكتر عن مواقف زى دى وايه رد فعلك فيها وايه مدى عواقب المواقف دى على الطرفين
انا فى أنتظار جميع المشاركات الهادفه والمتميزة والأراء
مع خالص حبى وتحياتى وحبى وأحترامى وتقديرى للجميع
حودااااااااااااااا
